tlhIngan-Hol Archive: Wed Feb 06 10:27:08 2002
[Date Prev][Date Next][Thread Prev][Thread Next]
RE: tlhetlh ghu' Sagh (was Re: peD)
- From: [email protected]
- Subject: RE: tlhetlh ghu' Sagh (was Re: peD)
- Date: Wed, 6 Feb 2002 15:26:57 GMT
> charghwI', latlh je:
>
> >>> tlhogh Qebmey wIje'.
> >>
> >> Sumatlh 'e' lu'oS Qebmeyvetlh, qar'a'? Sawta'wI' Degh vItuQchu'.
> >> not vIteq. not! qaStaHvIS wa'maH Hut DIS QebwIj Hot DIrwIj.
>
> Qeb vIghaj je, 'ach vItuQtaHbe'. jIQongtaHvIS vItuQbe'. jIyIttaHvIS nI'chugh
> HewIj vaj rorchoHmo' nItlhDu'wIj QebwIj vIteq. latlh vengDaq jIlengtaHvIS
> juHwIjDaq ratlhtaH QebwIj, vIchIl vIneHbe'qu'mo'. tlhogh cherghlaHtaHqu'
> qa'wI', 'ach tlhogh Qeb cherghlaHchu'be'taH nItlhwIj. be'nalwI' belmoHbe'
> ghu'vam, 'ach roD berghmoHbe'law' je.
chomerpu'. bImatlhchu'ta reH 'e' tob QIchlIj. pIj be'nallI' DaDel 'ej Daqel.
tIqlIj potlh law' QeblIj potlh puS net Sov, 'ach reH Qeb tuQtaH matlhqu'bogh
loDnal motlh.
pIq cha' meqmo' roD QebwIj vItuQ:
wa': HopDI' be'nalwI' be'nalwI''e' muqawmoHtaH Qebvam 'ej jIbelchoH.
cha': muleghDI' muSovbe'bogh be'pu', loDnal jIH 'e' Sov be'pu'vam. reH
ngoDvam 'ang be'pu' vaj vI'angqang je.
> > ghaytan rut QebwIj vIteq. Qeb neH 'oH. tlhogh 'oS, 'ach tlhogh
> > potlh law' Qeb potlh puS. Qeb vIparHa'qu', 'ach tlhogh qorDu'wI'
> > chu' je vIQorghchu'. ngoDvam vItobmeH latlh mIw vIlo'. Qu'vamvaD
> > yapbe' Qeb. ram.
>
> > tugh jISaw. tlhoghwIj vI'angmeH Qeb vItuQ. tlhoghvammo' jIHem. not
> > Qebvam vISo'. not jIngor. Qeb vItuQbe'taHvIS jImatlhlaHtaH.
>
> >> mangna' jIHmo' QoblaH Qeb.
>
> > loQ jImISchoH. mu' <mangna'> rur mu' <manga'> vaj mu' <manga'chuq> vIpIH.
>
> veQ ngaSwI'vo' nachlIj yIteq {:)
mangpu' vIvuvchu'. Qob Qu'chaj 'ej potlh. 'ut. mangna' ghaHbej DloraH'e'.
Do'Ha' rurchuqbej mu'meyvam 'ej jImISchoH. bong qID vIlegh.
'IHchu' loDnal ghaj DloraH. ghu chu' lughaj. nga'chuqlaw'pu'.
> >> loQ vavwI' nItlh rIQmoH Qeb. tuQbe'choH ghaH.
> >> latlh mang vISovbogh nItlh teq Qeb. tuQlaHbe' ghaH. vaj vItuQQo'.
>
> > vaj rut QebwIj vIteqqang. roD vItuQ 'ach rut vIteq.
>
> tIghraj wIvlaH SoH, pIq be'nallI' neH. ram latlh vuDmey.
mu' <bowIvlaH> Dalo' 'e' DaHechlaw'. maQochbe'. tlhoghtaymaj wIchenmoHlI'.
> >>>*joint checking account* macher je. SaghchoH ghu'.
> >>
> >> 'ach Hoch Huchmaj wItay'moHbe' jIH be'nalwI' je. ...
>
> > jaSHa' wIwuq. Huchmaj wIwav. tay' 'op. 'op vIpol. 'op pol pIqwIj be'nal.
>
> munayDI' be'nalwI' 'ej ghaH vISawDI' qaStaHvIS cha' DIS mIwvam wIlo', 'ach
> napHa'. yInmaj wInapmoHmeH Hoch Huchmaj wItay'moH.
wa' juH wIghaj 'ej wIleH. Soj rap wISop. nIn wIlo'. Dochvam DIDIlmeH Huchmaj
wIlo'. wej DeQ bajtaHvIS merrIy loS DeQ vIbajmo' Huchmaj wIleHtaHvIS loS DeQ
vInob 'ej wej DeQ nob merrIy.
SutwIj vIDIl jIH. SutDaj DIl ghaH. leSpal vIneHDI' vIDIl. paq neHDI', merrIy
DIl merrIy. naplaw'.
> > Huch SeHlaH 'e' tobbej merrIy. HuchwIj'e' be'vam vIvuvchu'.
> > HuchDaj'e' muvuv be'vam.
>
> qech DajonmeH, pup mojaq <-'e'>. maj.
choquvmoH.
> pagh
charghwI'