tlhIngan-Hol Archive: Mon Sep 10 07:01:49 2001
[Date Prev][Date Next][Thread Prev][Thread Next]
tlhIngan jIH!
- From: Alan Anderson <[email protected]>
- Subject: tlhIngan jIH!
- Date: Sun, 9 Sep 2001 22:19:14 -0500
chaq muchHomvam boghov:
------
mang jIHbe'. Duj HoD jIHbe'. DIS vIDabbe'. targh tIq vISopbe'. not
betleH vIlo'pu'. voDleH'e' vItoy'; muqumbe' "president". tlhIngan Hol --
ta' Hol -- vIjatlh. HolwIj 'oHbe' DIvI' Hol'e'. Qo'noSDaq mara torgh joq
vISovbe', 'ach quvqu' chaH 'e' vIHarbej. jIjatlh <Qapla'> -- "k'plah"
'oHbe'chu'. HoS potlh law' pung potlh puS; De' qar qaq law' mu'mey DochHa'
qaq puS; Hem targh 'ej quv.
wep 'oH cheSvel'e', Quch 'oH no''och, 'ej lugh <Q>. "k" 'oHbe', "kw"
'oHbe' -- <Q> 'oH! Qo'noS puH tIn law' HochHom tIn puS; Qo'noS SuvwI'pu'
qu' law' Hoch qu' puS; joghDaq Qo'noS Dun law' Hoch Dun puS. jIHvaD matlh
ponglu' 'ej tlhIngan jIH!
------
SutIvjaj.
-- ghunchu'wI'