tlhIngan-Hol Archive: Fri Sep 07 02:00:38 2001
[Date Prev][Date Next][Thread Prev][Thread Next]
Welcome to the Jungle
- From: Andrew <[email protected]>
- Subject: Welcome to the Jungle
- Date: Thu, 6 Sep 2001 23:49:42 -0700 (PDT)
pay' muchopqa'pu' pIlmoHbogh ghewqoq. vaj "Welcome to the Jungle" tera' "baS
'ugh" bom noyqu' vImugh. bomvam qonwI' wa'DIch chaH "Guns 'n' Roses"'e'.
wa'maH ben luHo'qu'ba' jIb tIn ghajbogh tera'ngan law'. DaH yItu'.
I've been bitten once again by inspiration, so I've translated that famous
heavy metal song "Welcome to the Jungle", originally by Guns 'n' Roses. This
is of course the group that was admired a decade ago by many big-haired
humans. Check it out.
<< ngem'a'Daq pIvantaH >>
ngem'a'Daq pIvantaH,
bel, Quj je DItu'.
Hoch DaneHtaHbogh wItu'.
bang, bIH DIngu'laHchu'.
'ej vay' DapoQlI'bogh
wISammeH 'umwI' maH.
laH Daghajchugh, bangoy, ghotoy',
'ej bIyonmeH pI'oy'moHtaH.
ngem'a'Daq,
ngem'a'Daq pIvantaH.
tugh pe'vIl vaj bItor -- tor
bIreghba'taH vIneH.
ngem'a'Daq pIvantaH,
qaSDI' Hoch jaj, wISIQ.
DaneHchu'chugh bIreghlaHtaH,
'a Du'oy'qa'moHbej pIq.
'ej be'Hom 'IHqu' SoH,
Qatlhqu' bIbelmeH Qu'.
DuQbogh woj DawaHlaH, bang,
'a bIH DaDIlnISqu'.
ngem'a'Daq,
ngem'a'Daq pIvantaH.
'eH, ghargh'a'wIj yIQor -- Qor
bIjachba'taH vIneH.
ngem'a'Daq pIvantaH,
Hoch jaj naDev 'arghbej.
ngem'a'vamDaq maQujtaHvIS,
chIch Ha'DIbaH DItlhej.
tagha' Hoch bel DaHev,
naDev bIghungqu'mo'.
DubelmoHbogh Hoch'e' Dabaj,
'a jIHvo' tItlhaplI'Qo'.
ngem'a'Daq,
ngem'a'Daq pIvantaH.
tugh pe'vIl vaj bItor -- tor
bIreghba'taH vIneH.
'ej bImaw'taHvIS -- toH jay',
bIyevqangbe'qu', lu'!
DaqlIj DaSov'a'?
ngem'a'Daq SoHtaH, bang.
bIHeghbej.
ngem'a'Daq,
ngem'a'Daq pIvantaH.
tugh pe'vIl vaj bItor -- tor
ngem'a'Daq,
ngem'a'Daq pIvantaH.
'eH, ghargh'a'wIj yIQor -- Qor
ngem'a'Daq,
ngem'a'Daq pIvantaH.
tugh pe'vIl vaj bI--
'oHmo' tugh bIDej! Ha'!
[pItlh]
Andrew H. Strader
URL: http://www.cis.ohio-state.edu/~strader