tlhIngan-Hol Archive: Fri Mar 30 18:03:59 2001
[Date Prev][Date Next][Thread Prev][Thread Next]
qep'a' vIjaH
- From: Eric Andeen <[email protected]>
- Subject: qep'a' vIjaH
- Date: Fri, 30 Mar 2001 19:03:45 -0700
Hoch DIS, qaStaHvIS wa'maH cha' vummeH jaj jIghIQ 'e' chaw' malja' DIvI'
vItoy'bogh. jIghIQmeH, nav Dogh vISuqnIS 'ej De' vIqonnIS. navvamvaD <vumwI'
Dotlh choHmeH nav> ponglu'.
Qu' law' ta'meH navvam lo'lu' net poQ. navvam vIlo'chugh, ghIgh chu'
vItaghlaH (Hmmmmm - chaq malja' voDleH vImojlaH); Huch vIHevbogh
vIghurmoHlaH* (pagh vInupmoHlaH); jIghIQlaH; jIropchoHmo' jIvumbe'choHlaH;
DotlhwIj vIchoHlaH (nuq 'oH Dotlhvam'e'? jISovbe', 'ach vIchoHlaHbej);
qaSchugh chach ghot'e' rI'bogh malja' vIwIvlaH; vumwI' loHwI'pu'vaD
ghItlhHom vIqonlaH.
'op Qu'vaD nav vIqI' net poQ; 'op Qu'vaD nav qI' pInwI' net poQ; 'ej 'op
Qu'vaD nav qI' pInwI' pIn net poQ. vaj ghaytan malja' voDleH vImojlaHbe' -
Do'Ha'. ghaytan nav lo' Qav vIlo'nIS: <Doghbej navvam> loHwI'pu' vIja'nIS.
'ach qay'be'. navmey, mIwmey Dogh vIcherghlaH. qep'a' vIjaHmeH jIghIQ DaH
net chaw'.
DaH puvmeH chaw' vIje'nIS 'ej mebpa' vIrI'nIS.
pagh
* - Is the thing that increases the subject or object of <ghur>? Is it <ghur
Huch vIHevbogh> or is it <Huch vIHevbogh ghur pInwI'>? Unless we have a
canon example, we are probably left to wonder...