tlhIngan-Hol Archive: Mon Mar 05 13:46:55 2001

Back to archive top level

To this year's listing

• Index by Date
• Index by Thread
• Index by Author

jInajpu'.

• From: "William H. Martin" <[email protected]>
• Subject: jInajpu'.
• Date: Mon, 05 Mar 2001 16:46:22 -0500

wa'Hu' ram jInaj. munej mIghwI' 'ej muHoH neH. mupeghtaH jupwI', ach muSam 
mIghwI' 'ej tlhoS mujon.

QInmey rurchoH ghopDu'wIj 'ej Sor yorDaq ghopDu'wIj vIQeq. SIbI' jIpuvchoH 
'ej pe'vIl jIpuvqu'. nom jIpuvqu'mo' tlhoS jIleghlaHbe'. ngem yorDaq 
jISumtaH 'ej HuDmey ghegh vItlha'taH. murachchu' ghu'vam.

bIQ vIghoS. bIQ wutlh vI'el 'ej ghurqu' DowIj. jol vIrurchoH. DuHHa'choH 
DowIj. bIQ vItlheDDI' QIt jIpuv 'ej QIt jISaq.

jInarghchu'ta' 'ach Qu'wIj vIrInmoHbe'. jIratlhnISba' 'ach DaH mungu'laH 
jaghwI'. ghopDu'wIj vIbej. choHchoH. jItInchoH 'ej choHlI' porghwIj qabwIj 
je. be' vImoj. jImon.

jupwI' vISuch. mungu'be'. qay'be'. vIghoS 'ej bejchuqtaHvIS mInDu'maj, 
yajmeH jupwI', DoqchoH mInDu'wIj ghIq SuDqa'. jImon. jupwI' vImerba' 'ach 
jatlhbe'. chaq 'Ij latlh. majatlhbe' 'ach mamon. taH Qu'wIj.

SarrIS

• Follow-Ups:
  • Re: jInajpu'.
    • From: Alan Anderson <[email protected]>

• Prev by Date: juH much
• Next by Date: Klingon WOTD: tor (v)
• Prev by thread: juH much
• Next by thread: Re: jInajpu'.
• Index(es):
  • Date
  • Thread
  • Author

Back to archive top level