tlhIngan-Hol Archive: Thu Jul 12 20:25:54 2001
[Date Prev][Date Next][Thread Prev][Thread Next]
Re: Hoghmey vItoghlI' -- tugh pawjaj HaSta qonwI'wIj
Hu'tegh.
DaHjaj Suy vIrI'. QaQbe' De' vIHevbogh. jIghIQchoHpa' HaSta qonwI'
chu' vIHev 'e' vIpIHlaHbe'ba'.
ghaH: <toH, ghu'lIj vIQulta'. janmeyvam lIngchoHpu'be' jan
chenmoHwI'. rInpa' jarvam wIghaj net 'Ip.>
jIH: <rInpa' jarvam qaSpu' cha' Hogh. vaj choja'law' ghaytan cha'
Hogh pIq DaHev.>
ghaH: <qar.>
jIH: <reH net lay'. va. jImejpa' vIHevbe'ba'. chay' jIvang?>
ghaH: <qaQaHlaHbe' 'e' vIpay. Doch DaneHbogh lInglu'pu'be' neH.>
jImoghqu'. 'Ip vIHarlaHchugh, chaq jItaQlaH 'ej Brussels-Daq jan
HIjlu' 'e' vIpoQ...'ach vaj qaStaHvIS qorDu'wIj leng'a' wIHutlh.
baQa'. chaq qonwI'wIj ngo' vIlo' 'e' vInID, 'ach 'oHvaD qay'law' 'ul
'ej Duy' nochDaj. chaq jup jan vIngIp 'e' vInID. va, va, va.
-- ghunchu'wI' 'utlh