tlhIngan-Hol Archive: Wed Feb 28 12:47:32 2001
[Date Prev][Date Next][Thread Prev][Thread Next]
Re: Qom!
- From: Qov <[email protected]>
- Subject: Re: Qom!
- Date: Wed, 28 Feb 2001 12:49:01 -0800
lab ghunchu'wI':
> DaHjaj Qom Washington Sep. vIHqu' ghor. qaStaHvIS loSmaH lup nogh
> yav. loQ Dej qach puS. 'ul HutlhtaH juv law'. Do' rIQ pagh net Qoy.
>
> taghDI' Qugh, QumtaH Seattle DabwI', vumwI' Hop je. muja' vumwI':
> <QomlI' Seattle! ghogh HablI' vIlo'ta'. jIjatlhtaHvIS muquch latlh.
> jachchoH. ja' [ghuy'cha', Qom!] wabmey vIQoy; pumba'taH Dochmey.
> pay' tamchoHchu' HablI'. vIrI'qa'laHbe'.>
jabbI'IDlIj pong vIleghDI' jIjatlh <*Kokokmo*Daq bIQom'a' SoH?> naDev
maQombej. taghtaHvIS wanI', HoSghajbe'mo', jIvumbe'choHbe'. 'ach taH.
Qorwaghvo' jIyIt 'ej Daq QobHa' vInej. DaSmeywIj vItuQchoH. ghor
DujmeyDaq ghum chu'lu'.
patlh noHlI' po'wI'pu'. Soch vI' pagh jatlh 'op. jav vI' cha' jatlh
latlhpu'.
*Seattle*Daq muD vergh, bIQ vergh je luSoQmoHlu'ta'.
Qov