tlhIngan-Hol Archive: Fri Dec 28 12:49:10 2001
[Date Prev][Date Next][Thread Prev][Thread Next]
RE: Klingon Poe: angels, fiend
- From: Qov <[email protected]>
- Subject: RE: Klingon Poe: angels, fiend
- Date: Fri, 28 Dec 2001 09:45:45 -0800
pImDI' cha' Segh tIghmey, reH qay' mu'meyvam. Holmey Sar jatlhba'mo'
'ISqu', chaq lupIlmoH latlhpu' wIv.
pImbej Hoch nugh veqlarghqoqmey, Qun 'oSwI'mey, Heghpu'wI' qa'mey, Sor
qa'mey, yupma' qa'mey, puq ghIjmeH wIchmey, latlh je.
*Poe* nugh yajchu'pa' tlhIngan, not bom yajchu'. jIwuqnISchugh jIH, mu'
nap vIwIv, 'ej bom bIngDaq laDwI'vaD qech vIQIj. chaq: Qun mIghHa' Har
Human. mIghchoH wa' boQwI'Daj, mIghwI''a' moj. yIntaHvIS Human, qa'Daj
SIghmeH 'ov mIghwI''a' mIghHa'wI''a' je. HeghDI' Human, qa'Daj pol
charghwI'. mIghwI' boQwI'Hommey pongmeH *fiend* jatlhlu'. tojtaH
*fiend*mey malja' Huqlaw', 'ach qI'DI' Human, reH Qap mIghwI''a'. *fiend*
vImughmeH veqlarghHom (or whatever you choose) jIjatlh. mIghHa'wI'
boQwI'mey pongmeH *angel* jatlhlu'. vImughmeH Qun 'oSwI' (or whatever)
jIjatlh.
napbe'bejmo' qechmey, qechmey mughlaHbe' pongmeH mu'mey. vaj mu'mey
Dalo'laH tIwIv 'ej tlhInganpu'vaD tIQij.
vuDwIj 'oH. pItlh.
P.S. *Poe* lalDan lut vI'olmeH, *Christian* Qun HarwI'vaD vImugh. Hagh
ghaH, jatlh <wa' ben Harlu'>. vaj *Poe*vaD puplaw'.