tlhIngan-Hol Archive: Mon Aug 20 01:54:47 2001
[Date Prev][Date Next][Thread Prev][Thread Next]
mu'mey potlh
- From: Andrew <[email protected]>
- Subject: mu'mey potlh
- Date: Mon, 20 Aug 2001 01:51:03 -0400 (EDT)
HIq tlhutlh. chechchoH. tlhoy mon. Sab vI'. Qong 'e' nID. ghIq bIQ
tlhutlhbe'chugh, vaj 'uH 'ej wuQ. ghu'vammo' DIv 'a tlhu'mo' chun. 'e'
DISlaw' latlh tlhu'wI' law'. vangwI'vam 'Iv? vanglu', 'e' yISov neH.
SuH, machtun De': MO nab laH nIv law', machtun ghunwI'pu' nab laH nIv puS,
'e' vIqapqa'. 'ach reH Senglaw' machtun, cheptaH neH 'e' Hechmo'. ben Mac
wanI' rurba' DaHjaj machtun wanI' -- De'wI' janmey ngevtaHvIS chepqu'mo'
Mac, chIch bIH qutlhqu'moH chaH. chep vaj 'e' lughurmoHlaw'. jaS De'wI'
janmey wagh je'choHlaHlI' Hoch. ghu'vammo' tugh bong Do'Ha' chepHa'choH Mac.
machtun buQlaw'taH je ghu'vam -- De'wI' patchaj qutlhqu'moH, 'ach wagh pat
pIm'e' je'laHbogh Hoch. patmeyvam qutlh tam Linuxmey'e'. nem 'e' vIlop je
jIH. pIq chepbe'meH ghu' HotchoHtaH machtun .
pab De' vIqel je, vIneH. loQ bong vIqunlu' jIpabHa'law'DI', 'ach vItlhIjlu'
pab vIyajchu'mo'. tlhIngan Hol vIHaD 'e' vItagh, jIQupDI'. vaj pab Dujna'
vIghajlaw'. toH, Hol DIch wIghajbe'chugh vaj chIch vay' wIwuq, 'ach rut
wuqta'meH Dujmaj toblaw' MO, canonHey muchDI'. rut jIlughbe'bej -- wa'logh
"benmey" vIghItlhmo', muqun pabpo'wI'na'. loQ jIqeH 'a vIghItlhmeH jIlugh
'e' ra' DujwIj. DaH tera' Holmey tIQ pabmey, Icelandic Hol, Gaelic Hol je,
vIHaDlI'. pab DeltaHvIS po'wI'na', pIjHa' "not" "reH" ghap lo'. pIj pab
'ay'mey nop Hol jatlhwI'pu''e'. QummeH mIw neH lulo'. tlhIngan Hol
vIlo'taHvIS raplaw' jIQummeH mIwwIj'e'. 'oH lIS Duj neH.
Andrew H. Strader
Currently on quote hiatus; stay tuned.
http://www.cis.ohio-state.edu/~strader