tlhIngan-Hol Archive: Wed Aug 08 14:59:12 2001
[Date Prev][Date Next][Thread Prev][Thread Next]
Re: buy' ngop
- From: Andrew <[email protected]>
- Subject: Re: buy' ngop
- Date: Wed, 8 Aug 2001 14:55:33 -0400 (EDT)
>ghu' pIm DapIH'a'? malja'na' 'oH *Microsoft*'e'. Huch luSuq malja' 'e'
>lunID. *Microsoft* mIghmoHbe' ngoDvam 'ej quvHa'moHbe'. (chaq mIgh
>*Microsoft* qoj quvHa', 'a mIghmoHbe' Huch SuqmeH nIDtaHghach 'ej
>quvHa'moHbe'.)
ngoDmey'e' Dajatlhbogh vIQochqu'be'. DaHjaj Huch SuqmeH mIw qay' law',
"machtun" qay' puS. DaH taghpu'mo' bov chu' (De' bov), mIwmey law'
choHnISlu' je. Do' QIt "machtun" choHmeH nIDba'lI' qum. reH patmeychaj
moSqangbejmo' vu'wI'pu'vetlh, vaj bong bechtaH lo'wI'pu'. vu'wI'pu'vaD 'e'
luSovnISmoH qum yaSpu', lo'wI'pu' je, po'wI'pu' je. patmey 'ummoHmeH
ghunwI'pu'chaj 'e' luraDnIS. je'wI'pu' QorghmeH Sun wIchernIS.
bong je'wI'pu', lo'wI'pu' je Qorghbe'law'mo' ngoy'qu'be' "machtun"
vu'wI'pu'. wejpuH. 'a QorghmeH chutmey DIpabnISchoHmoH net qeS. DaH
ghu'vam'e' qeHqu'lu': QapHa'chugh pat, boQ nejmeH labDI' vay', boQlu'chu'pa'
DIlqu'nIS ghaH. wa'logh je'wI'na' jatlhmeH boQ, 99 DeQ tlhob ghaH. Qap pat,
vaj "machtun"vaD 'e' tung ghu'vam. Duy'meymo' mIplaw'. wej Qapbogh pat
HIjmeH wuqbogh vu'wI''e' naDba' malja'na', Huch law' Suqmo'. lotlhbe'chugh
nugh, vaj not ghu'vam botlu'. ghu'mey qay' SovnISlu', 'ej choH
tungHa'nISlu'. Huch popmey nge'meH buQnIS qum, je'wI'pu' Qorghbe'chugh Suy.
toH, mIgh je "machtun" 'e' DaQoch'a'? ghaytan mIgh Hoch nuv, Sovbe'taHvIS
chaH, 'e' QIjbej lalDan qechmey law'. chaq chaH mIghHa'moH 'ej quvmoH
chutmey neH. ghob, Huch ghap luwuqlaw''a' machtun, latlh Suy je? 'ach
qechmeyvetlh'e' DIqelQo', jaS maja'chuqpa'.
Andrew H. Strader
"Is your goal to always have the most obscure quote possible attached to
your name?" --Ben Phillips, 2001
(Yes.)