tlhIngan-Hol Archive: Sun Aug 05 15:43:32 2001
[Date Prev][Date Next][Thread Prev][Thread Next]
RE: buy' ngop
- From: "David Trimboli" <[email protected]>
- Subject: RE: buy' ngop
- Date: Sun, 05 Aug 2001 15:43:31 -0400
>From: "Will Martin" <[email protected]>
>HIja'. qaSDI' wanI'vam pIch ghajbe' *Microsoft*. nIteb qaghbej DuSaQ'a' wa'
>vumwI'.
teH'a' mu'meylIj? jIyay'! pIch ghajbe' *Microsoft*'e'!?!?!?!
jImaybe'taH. reH pIch ghaj *Microsoft* net toblaHbe'. 'a roD pIch ghaj
*Microsoft* . . . .
Qulpa'meywIjDaq pIj De'wI'mey qay'moH vumwI', tej, ghojwI' joq. pIj pIch
ghajbe' *Microsoft*.
pIj pIch lughaj *McAfee*, *Real Networks*, *Adaptec*, *Netscape* joq.
> > tI'meH mIw Qatlh Datu'DI' reH *World Wide Web*Daq mIw Dalan'a'?
>
>roD pa' DIlan. rut HurwI'pu' DIbot. roD mabuDmo' DIbotbe'.
<HurwI'pu'>? qech Dajatlhbogh vIyaj 'a mu'tlheghlIj DalughnISmoHlaw'. chaq
bIjatlhlaH <rut Hur rarwI' DIbot.> Daparbe'chugh DuH mu'tlheghvam je: <rut
HurDaq chaHtaHbogh rarwI''e' DIbot.>
> > De'wI' chamwI' jIH je, 'a tI'meH mIw vI'oghDI' pagh vItu'DI', *Web*Daq
> > vIlanbe'. SaHlaw' pagh.
>
>*Web*Daq De' lanlu'DI' De'vam ngaqnISlu' net Haj. vaj roD pa' lanlu'Qo' 'ej
>lanlu'chugh, peghtaH Daq. So'lu'taH.
Qulpa'meywIjDaq qoD *web* wIghaj. rut naDev jommeH mIwmey Qatlh vIlan.
vIpeghnISbe'moH: *World Wide Web*vo' leghlaHbe' vay'.
SuStel
Stardate 1595.7
_________________________________________________________________
Get your FREE download of MSN Explorer at http://explorer.msn.com/intl.asp