tlhIngan-Hol Archive: Thu Aug 02 23:39:28 2001
[Date Prev][Date Next][Thread Prev][Thread Next]
buy' ngop
- From: "Will Martin" <[email protected]>
- Subject: buy' ngop
- Date: Thu, 2 Aug 2001 23:39:32 -0400
- Importance: Normal
DaHjaj lotHey vIjun. DuSaQ'a'Daq jIvum. De'wI'mey lo' ghojwI'pu',
ghojmoHwI'pu', loH vumwI'pu' je. De'wI'mey lo'lu'chu'meH nuvpu'vam vIQaHtaH.
cha'ben Qu' chu' tagh DuSaQ'a'wIj. pawpa' ghojwI'pu' ghaHvaD De'wI'mey le'
DIcher. Hoch DIS qay' vay'. cha'ben cher'eghQo' ghItlhwI'mey. wa'ben *AOL
Instant Messenger* chu'lu'DI' QIt Qap De'wI'. pIj tloS mev. rut mevchu'.
qen De'wI'vam le' je' ghojwI' 'eq. qenglu'meH mach De'wI'vam vaj juHDaq qeng
ghojwI'vam 'ej De'wI'vam lo' SoSDaj. taghmeH Degh yuv SoS 'ej HIDjolev nuD.
*MS Publisher* tu'. lo' neH. nIDDI', *CD ROM drive*Daq *MS Office SR-2 Disc
2* 'elmoH SoSvam 'e' ra' De'wI'. *CD ROM drive*Daq *Disc* lugh lan SoS 'ach
lajQo' De'wI'. mujlaw' *version*. moghchoH SoS. chu'chu' De'wI'. wagh. DaH
QapnIS! murI'. jIQulchoH.
nIb De'wI' vISuq 'ej vItob. qay' De'wI'wIj je. De'wI'Daj Dachu' De'wI'wIj.
jIQullI'.
ngoD Daj vItu'. De'wI'meyvam cherlu'DI' *MS Office 2000* *original version*
lo' 'ej ghIq *SR-1* mojmeH *patch*lu'. *MS Office 2000 SR-1* moj *MS Office
2000* *original version*, 'ach *Setup.exe* *update*be'lu'.
*Publisher* chu' net nIDDI', *Setup.exe* ngo' chu'lu'. *Disc* chu' ghovbe'
*Setup.exe* ngo'. vonlu'. *Office* jomHa' net nIDDI' *Setup.exe* ngo'
chu'lu'. *Disc* poQlu'. lajQo' 'ej vonlu'.
'ach *disc* chu'Daq latlh *Setup.exe* tu'lu'. *Setup.exe* lo'lu'chugh,
*Setup.exe* ngo' tu' 'ej ghel. jatlh <<vI*upgrade* DaneH'a'?>> jangnISlu'.
<<HIja'>> jatlhlu'chugh qay'Ha' *Setup.exe* 'e' vItu'.
chaq De'wI'vam luDa cha'SaD De'wI'mey. vItI'laHmo' maDo'. DaH *Web page*
vIchennISmoH.
charghwI' 'utlh