tlhIngan-Hol Archive: Mon Aug 27 12:27:55 2001
[Date Prev][Date Next][Thread Prev][Thread Next]
Re: Time Machine
- From: Andrew <[email protected]>
- Subject: Re: Time Machine
- Date: Mon, 27 Aug 2001 09:30:08 -0700 (PDT)
batlh ghItlhta' ro'Han quv, 'ej batlh jangta' qIroS quv:
>>Nobody?? I think time travel terms are a great idea - just so long as we
>>don't end up with a situation like in The Restaurant At The End Of The
>>Universe: Dr Dan Streetmentioner's (fictional) book "1001 Tense Formations
>>For Time Travellers". :)
>We should be safe, we don't have tense }}:-)
paqvetlh'e' tlhInganpu'vaD mughlu'ta'DI', "wa'SaDwa' Segh Soch mojaqmey'e'
lo'bogh poH lengwI'pu'" ponglu'law'. toH, wot tlha'bogh "rIntaH" mu''e'
nopbe' Segh Soch mojaq ghom vIqelbogh. vaj poH choHmey ghu'mey je
luQumlu'meH mojaqqoq Sar 'ar tu'laH vay'?
pe'vIl Hov bavlaHbej toQDuj'e' 'ej poH lengwI' Duj mojbej, QaptaHvIS ngerHey
vay' HoS. batlhHa' ta'qoq ngIlta' qIrq HoD. qaStaHvIS "Hov leng", pIj poH
lengtaH qIrq. law'qu'mo' poH lengmeH wanI'meychaj, 'ej bov law'qu'
Suchta'mo', vaj DaH naDev ghaytan ghaH vIleghlaH qar'a'?
poH leng QIjlaH cha' nger. QIjtaH nger wa'DIch'e': benDaq vIghoSchugh, ghu'
vIchoHchugh, ghIq DaHjajwIjDaq vIcheghmeH jInIDchugh, vaj pImchoHtaHmo', not
jIcheghchu'. 'a QIjtaH nger cha'DIch'e': benDaq vIghoSchugh, ghu' vIchoHmeH
jInIDchugh, ghIq DaHjajwIjDaq vIcheghchugh, raptaH 'oH, ben vIjeSchu'ta'mo',
'e' 'anglaH wanI'qoqvam'e': benwIjDaq vIghoSchugh, ngat vI'oghchugh,
'oghwI'na'vetlh ghovlu'DI', jIH vIngu'lu'. 'ach qun'e' Sovbogh DaHjajwIj
vIchoHchu'meH jInIDchugh, reH jIlujnIS. "poHtlhegh" nISlu'meH DuH'e' not
ngongta'mo' vay', QochchuqtaH ngermeyvam.
DuHchugh poH leng, chenlaH tlhochchuqlaw'bogh ghu'. benDaq vIghoSchugh,
SoSnI'wI' vIHoHmeH jInIDchugh, SoSwI' boghmoHpa' ghaH, jIQaplaH'a'?
jIQapchugh, vaj mungwIj vIbot, 'ej Hoch ta'wIj vIchenHa'moH, pagh 'u' pIm
vI'el. 'ach DaHjajwIj wa'DIchDaq nuq qellu'? jIDachchoH'a' neH? chay' 'e'
yajlaH vay'? <<toH, benDaq leng ghaH, mungDaj bot. vaj "DaH" 'u' pImDaq
ghaHtaH.>> chay' luSovlaH 'u' wa'DIch nganpu'? taQ jay'.
wej poH leng yajlu'. 'oH qelbogh "Back to the Future", latlh muchmey je
vIbejtaHvIS, pIj Qagh vItu'. chay' qIt, benDaq paq lanchugh Biff, nem rapDaq
cheghchugh, 'ej DaHjaj pImmoHchugh? tlhochchuqbe'bogh nger muchDI' vay'
wIgh, jIyon.
toH, nuq ja' Hamlet, HoSDo QIjmeH nIDtaHvIS ghaH?
Andrew H. Strader
URL: http://www.cis.ohio-state.edu/~strader
"They call me. . . Sock eyes!!!" --Megan Kirschenheiter