tlhIngan-Hol Archive: Thu Apr 26 13:07:24 2001

Back to archive top level

To this year's listing



[Date Prev][Date Next][Thread Prev][Thread Next]

tlhIngan tach 'el cha' verengan




tlhIngan tach 'el cha' verengan.  raSDaq chImbogh ba'.  tlhIngan tIgh
Sovchu'be'; jabwI'vaD loS.

Suv tlhIngan law'; Qujlaw'.  rut vay' ghor vay' 'e' luQoy, 'ej SIbI' qa'meH
vIttlhegh luQoy.  yajbe'. 

tlhIngan Hol HaD wa' verengan.  ghel latlh, <<jatlhbogh tlhInganpu'
Dayaj'a'?>>  jang wa'DIch.  <<vIyajbej!  HIbej: cha' 'Iw HIq DIneH.  chom
vIja'meH, tlhIngan Hol vIlo'.>>

Qam verengan wa'DIch, 'ej chom ghoS.  chuSmo' tach, verengan wa'DIch
QoylaHbe' latlh.  jach chom; QeHchoHlaw'.  paw' verengan nach, chom nach je.
Hagh chom; verenganvo' Huch tlhap, 'ej ghaHvaD HIq nob.  chegh verengan mIS.

<<qaS nuq?>>  ghel latlh verengan.

<<jISovbe'chu'.  HIq vIje'meH chomvaD HuchwIj vInob 'e' vInID.  HuchwIj
leghDI', QeHchoH.  <qab SoSlI' Huch> ja'.  tlhIngan Huch 'oHbe' 'e' vISov,
'ach lajlaH 'e' vIQub.  jIjang, <HIvqa' DeQ Sar>.  ghIq nachwIj paw' chom.
Hagh.  ghIq HIqmaj nob.>>

<<not tlhInganpu' vIyaj>> jang latlh verengan.



--Holtej 'utlh

tlhIngan-Hol Mailing List FAQ
http://www.bigfoot.com/~dspeers/klingon/faq.htm




CONFIDENTIALITY NOTICE
This electronic mail transmission and any accompanying documents contain
information belonging to the sender 
("Information") that may be confidential and legally privileged.  If you are
not the intended recipient, any disclosure, copying,
distribution or action taken in reliance on the Information is strictly
prohibited.  If you have received the Information in error,
please contact the sender by reply email and destroy all copies of the
original email.
 Thank you.




Back to archive top level