tlhIngan-Hol Archive: Tue Apr 24 12:40:22 2001
[Date Prev][Date Next][Thread Prev][Thread Next]
re: Kevin Sorbo
- From: Will Martin <[email protected]>
- Subject: re: Kevin Sorbo
- Date: Tue, 24 Apr 2001 15:40:00 -0400
> From: [email protected]
> Subject: Kevin Sorbo
> Date: Tue, 24 Apr 2001 09:41:38 EDT
>
> -------------------------------------------------------------------------
>
> jabbI'IDghomvamvo' vIpajpu'.
qatlh bIpaj? meqlIj DaQIjbe'pu'. DupoQ ghomvam.
> 'ach jIngab'eghmoHchu'pa', QInvam vIlabnIS.
> wejHu' Denver Hov leng qepDaq Kevin Sorbo (Hercules Dylan Hunt je ghaH)
> vIqIH. ghogh tInmoHmeH jan retlhDaq jIQamtaHvIS ghaHvaD jIjatlhlaH.
> Hopbe' 'ach Sumbe' je. beQbogh Daq jenDaq Qam Kevin Sorbo. ghaHvaD
> jItlhob, jIjatlh, <<DaHjaj naDev ponglIj DaghItlhbe' net Sov, 'ach
> *IrelandDaq ropmo' be'nI'wI', *Teddy Bearvam navHomvamDaq ponglIj
> yIghItlh!>>
noylaw' nuvvam, 'ach pongvam vIghovbe'. *TV* jabbI'ID vIHevlaHbe'.
*Historical Document* qonlu'chugh ta vIchu'laH 'ach HuDmey vIDab 'ej
labwI'meyvo' juHwIj yoDtaH HuDmeyvam. SIbDoH jabbI'ID HevwI' vIje'Qo'. wagh
'ej vISaHbe'. bejmeH poH vIHutlh. jIbom 'ej jIchu' 'ej jImI' 'e' vImaS.
> DaqDajvo' jaH Kevin Sorbo 'ej muchol. SIbI' Hotchuq wuSDu'Daj wuSDu'wIj
> je. ghIq navHomDaq ghItlh. jIQuchchu'mo' qep ghotpu' law' tlhopDaq
> jImI'. cha' DeSDu'wIj vIpep. quSwIj vIcheghtaHvIS jIqet. tlhoy mumer
> wanI'vam!!!
jIjatlhmeH 'ej jISopmeH wuSDu'wIj vIlo'. nuvpu' Hotbe' wuSDu'wIj.
> Xardana
charghwI' 'utlh