tlhIngan-Hol Archive: Mon Apr 23 11:56:04 2001
[Date Prev][Date Next][Thread Prev][Thread Next]
charghwI' vImojqa'
- From: Will Martin <[email protected]>
- Subject: charghwI' vImojqa'
- Date: Mon, 23 Apr 2001 14:55:48 -0400
wa'Hu' HoD QanqorvaD QIn vIlab. QInvam DIngDaq pong <<SarrIS>> vIqon.
Qanqor merlaw' pongvam. jatlh <<'Iv SarrIS?>>
maja'chuq. maq. jatlh <<reH charghwI' SoH.>> vaj charghwI' 'utlh
vImojnISqa'. mura'DI' HoDwI' vIlobnISba'. 'utlh jIH 'ach 'utlh vImojpa'
HoDwI' ghaH Qanqor'e'. vaj mochwI' ghaHtaH reH 'e' vIHar.
SarrIS ghaHlaw' mIghbogh loDnI'wI' nIb'e'.
DaHjaj qep'a' chorghDIch vISuchmeH *beljum* cha' Hol ghojmeH paq vIje'.
*Wallonia*ngan Hol vIghojmeH paq tInqu' vISuq. wa'maH wej *CD ROM* ta ghaj
paqvam. qeqmeH paq vIje' je.
*vIlanderSe*ngan Hol ghojmeH paqmey vIje'. cha' *cassette*mey ghaj wa' paq.
pob qel latlh.
ghaytan Holmeyvam vIghojHa'. loQ jIbuD, 'ach jIvumchoHchugh muQaHlaH
paqmeyvam.
tlhIngan Hol mu' tetlh vIHaDnIS je. tlhIngan jIl vIHutlhmo' Qatlhqu'
Qu'vam. jIDub'eghnIS. reH jIDub'eghnIStaH. maj. yIn meq QaQ 'oH Qu'vam'e'.
charghwI' 'utlh