tlhIngan-Hol Archive: Wed Sep 20 08:14:23 2000
[Date Prev][Date Next][Thread Prev][Thread Next]
re: lengtaHvIS Holtej
- From: "William H. Martin" <[email protected]>
- Subject: re: lengtaHvIS Holtej
- Date: Wed, 20 Sep 2000 11:14:10 -0400 (Eastern Daylight Time)
- Priority: NORMAL
> DaH jIlenglI'. jIvummeH *Toronto* vISuch. pIj
> *Toronto*Daq jIvummo', pIj qorDu'wIj vIlonnISmo', loQ
> jIjotHa'. vaj, jIghItlh.
yIjot. juHlIjDaq qorDu'lIj tu'lu'. juHwIjDaq pagh tu'lu'.
qorDu'lIj DalonnISDI' bIjotHa'nISchoHchugh chaq reH
jIjotHa'nIStaH, qar'a'?
> roD ghomvamvaD jIghItlhbe'. qaStaHvIS DIS law' tlhIngan
> Hol vIHaD, 'ej QIt jIQumlaHtaH. mu'tay' vISov
> (vISovchu''a'? ghobe'; jImIyQo'), 'ej pab vISovbej.
> 'ach QatlhtaH jIQummeH mIw. qatlh? jangmeH ngeD: yapbe'
> jIqeqmeH poH. jIQumlaHbej, latlh mu'mey vIyajlaHbej,
> 'ach jIqonDI', bIQtIq rurbe'. bom mu' vIqonDI' pagh
> vImughDI', jIvumqu'nIS. rut jIghItlhtaHvIS poDchoH
> nItlhDu'wIj, mu'mey nejtahvIS yabwIj, mu'mey wamtaHvIS
> yabwIj.
ghu'vam vIghovbej. ghu'wIj rurbej.
> ben law', DuSaQDaq jIHaDtaHvIS, Hol latlh vIghoj. Hoch
> Hogh, vagh jaj *France*ngan Hol vIHaD. rInDI' wej DIS,
> QatlhtaH jIQummeH Qu'. DaH tlhoS pagh vIqaw. Do'Ha'.
ghu'wIj rurqa' ghu'wIj. *France*ngan Hol vIHaD 'ej
tu'HomI'raH vIqaw.
> Hoch jaj tlhIngan Hol vIHaD. Hoch jaj! toch De'wI'
> vIlo'. mu'tay' vIqeq.
bIDoj. loQ chotuHmoH. jIbuDba'.
> Hoch jaj jIqeqbe'chugh, nom nargh mu'mey. mu' vIjonDI',
> jIDughnIS. jIDachchugh, yabwIj mo'vo' Haw'bej! wamwI'
> vaQ 'oHbe' yabwIj'e'.
Holvamvo' vIHaw' 'e' vInID 'ach muwam. jInarghlaHbe'. not
jIpo'choHchu' 'ej not jIqawlaH. botlhDaq vIvonlu'taH.
> qetlhmo' QInvam jItlhIj. (tlhIngan jIHbe'ba'!) jIDoy',
> 'ej tugh jIQongnIS. tugh.
QIntetlhvamDaq tlhIngan Hol lo'taH jatlhwI' 'ar?
yItlhIjQo'. yItaHtaH neH.
> --Holtej