tlhIngan-Hol Archive: Thu Oct 26 09:29:52 2000
[Date Prev][Date Next][Thread Prev][Thread Next]
jIramtaH
- From: "William H. Martin" <[email protected]>
- Subject: jIramtaH
- Date: Thu, 26 Oct 2000 12:28:01 -0400 (Eastern Daylight Time)
- Priority: NORMAL
QIt ghu' Do'Ha' vItu'lI'. Dat jIramchoHlaw'pu'. yaHDaq
juHDaq je muSaHbe' juppu'wI'. mIghbe' juppu'vam. potlhchoH
neH latlh. mupoQbe'choH. nIteb jISop. nIteb jIQong. nIteb
jIvum. nIteb jIyIn. jImobtaH.
ghu'vam vIghovDI' jI'ItchoH 'ach qaSDI' poH yap
jIbelHa'be'choH. jIpotlhnISbe'. jIHoSnIStaH neH.
reH Suvrup SuvwI''a' 'ej rojlu'lI'DI' loSnIS neH SuvwI'.
reH choH ghu'. wej paw jajwIj. So''egh 'ebwIj. vIloS neH.
SarrIS