tlhIngan-Hol Archive: Thu Oct 12 11:29:07 2000

Back to archive top level

To this year's listing

• Index by Date
• Index by Thread
• Index by Author

jIngoj.

• From: "William H. Martin" <[email protected]>
• Subject: jIngoj.
• Date: Thu, 12 Oct 2000 14:29:07 -0400 (Eastern Daylight Time)
• Priority: NORMAL

pIjHa' Dal yInwIj 'ach DaH jIngoj.

Qu' Daj vIghaj 'ach jIloSnIS. chorghleS tagh wanI' le'. 
mamI'meH ghom wejvatlh vaghmaH juppu'. qaStaHvIS wej jaj 
mamI'taH. jaj cha'DIchvaD vaS vI'IHnISmoH. Qu'vamvaD vagh 
toy'wI'pu' vIghaj.

qechmey vIghaj 'ach Hoch Dochmey'e' vISuqnISbogh wej 
vISuqta'. vISam vIneH 'ach yaHwIjDaq vIratlhnIS. wejpuH.

jIngoj 'ej jIDoy'. jIQongchu'be'pu' 'ej jIqej. Do' bang 
vIghajbe' vaj jIqejchugh SaH pagh. jIqejmeH jItlhab.

DaHjaj chaq nIn vIje'nIS. DujvamvaD wa'logh nIn vIje'pu'. 
DaH Hutvatlh wejmaH wej qelI'qam lengpu' Dujvam. loSmaH 
Soch qelI'qam vIlengmeH wa' tlho'ren nIn neH vIlo'nIS. QIt 
ghu' vIDub laHwIj vIDubmo'.

jIngoj.

pItlh

SarrIS

• Prev by Date: Re: KLIC: tlhIngan mI'QeD SImmeH mIw vIghoj vIneH.
• Next by Date: RE: math questions / sums
• Prev by thread: Klingon WOTD: jeq (v)
• Next by thread: Klingon WOTD: bov (n)
• Index(es):
  • Date
  • Thread
  • Author

Back to archive top level