tlhIngan-Hol Archive: Tue Oct 03 19:32:19 2000
[Date Prev][Date Next][Thread Prev][Thread Next]
qepHom vIDel
- From: [email protected]
- Subject: qepHom vIDel
- Date: Tue, 3 Oct 2000 22:32:02 -0400 (EDT)
---
SKI: Holtej and I held an impromptu qepHom when he came to
Toronto on Monday. It was great fun.
---
qaStaHvIS Monday, maghompu' *Holtej jIH je. yaHDajmo', pIj leng
Holtej. Toronto Such ghaH 'ej Toronto vIDabmo' vaj maghom.
Yorkdale-Daq maghom. DaqvamDaq Suypu' law' lutu'lu'. *Indigo*
paqmey pa' maghom. ghIq Qe' wISammeH mayIt. Ha'DIbaH SopQo'
Holtej. (ghaHvaD jIjatlh: /Ha'DIbaH bISopbe'/; 'ej SIbI'
mulughmoH, jatlh: /Ha'DIbaH vISop*Qo'*/.)
vaj *ngem yIQ Qe'Hom* wI'el. Dajqu' Qe'Homvam. loQ ngem
rur. Sormey law' lutu'lu', 'ej SorDaq ghewmey lutu'lu' je.
Dat bIQ mo'mey lutu'lu' 'ej mo'Daq vIHtaH bIQDepmey Sar.
rav'eqvo' pum bIQ, SISlaw'. (raSDaq SISbe'. mayIQchoHbe'.)
rut jev. jevtaHvIS SISqu', chuSqu'choH, 'ej pay' wovchoH
ghIq pay' HurghchoH. pumlaw' chal 'ul. jevtaHvIS chuSqu'mo',
majatlhbe'choH. jevbe'choHDI' majatlhqa'.
tlhIngan Hol wIjatlhbej. po'qu' Holtej. jIjatlhDI' muyaj.
'ach vIyajmeH, QIt jatlh 'e' vIpoQ. Marc Okrand qelbe'lu'chugh,
tlhIngan Hol jatlhwI' vIQoypu'bogh wa'DIch ghaH. Hoch wIja'chuq:
qorDu', DuSaQ'a', vengmey, Ha'DIbaHmey wIqel. ghIch tIq
ghajbogh 'ej qoghmey beQ ghajbogh Ha'DIbaH wIDel.
mu'mey law' wIlo'. 'op mu'mey vIghovbe', 'ej mu'meyvam
vIghoj: jeqqIj, bergh, chergh, latlh je.
rInpu'DI' 'uQ tlhorgh, qa'vIn pa' *HIvje' cha'DIch* wISuch.
majatlhtaH 'ej maHaghtaH.
qepHomvam vItIvbej. tlhIngan Hol vI*jatlh* 'e' vItIvqu'!
roD vIghItlh neH.
--
[Notes: In the second paragraph I'm talking about a shopping
mall, a bookstore, etc. I couldn't come up with the words and
would appreciate suggestions. The name of the restaurant was
"Rainforest Cafe". I couldn't put "rain" and "forest"
together, so I used "wet forest". I intend /bIQ mo'/ as
"aquarium". "Second Cup" is the name of a coffee shop.]
--
De'vID
--
tlhIngan-Hol FAQ and unsubscribe instructions:
http://www.bigfoot.com/~dspeers/klingon/faq.htm
To unsubscribe, send e-mail to [email protected]
-------------------------------
Beam to http://www.StarTrek.com
The official site of the Star Trek universe