tlhIngan-Hol Archive: Sun Oct 01 19:46:43 2000

Back to archive top level

To this year's listing



[Date Prev][Date Next][Thread Prev][Thread Next]

RE: yInwIj wanI'mey



jIH:
>>wa'Hu' DujwIj taQbang chovlu'...

ghunchu'wI':
> mIwvam poQbe' SepwIj.  meq vISovbe'.  chaq SepwIj rewbe' mIp 
> law' SeplIj rewbe' mIp puS, vaj chaq Dujmaj chu' law' Dujraj 
> chu' puS 'ej vaj chaq Dujmaj Say' law' Dujraj Say' puS.
> 
> chaq.  'ach vIHon.  meq vISovbe'qu'taH.

tInqu' veng vIDabbogh, 'ej law'qu' DabwI'pu'. US SepDaq jav veng neH tIn
law' vengvam tIn puS. tInmo' veng, 'ej law'mo' veng DabwI'pu', 'ej
Dujmeychaj lo'qangqu'taHqu'mo' nuvpu' lam muD. tIqqu' nuv law' yaH jaHmeH
leng, 'ej qay'qu' ghu'vam.

muD vIlammoH vIneHbe' jIH: roD yaHwIj vIjaHmeH jIyIt. pIjHa' Duj vIchIj.
Hoch vummeH jaj yaHDaj jaHmeH be'nalwI' DujDaj chIjnIS, 'ach Do' tIqbe'
lengDaj 'ej chu'mo' DujDaj Say'qu'law' taQbang.

tInqu'be' veng DaDabbogh, 'ej ghaytan Say' muD (Sumbe' *Gary* veng,
qar'a'?). bIDo'. vengwIj vISaH, 'ej vIDabtaH 'e' vIHech, 'ach muD lam
vIparbej.

pagh


Back to archive top level