tlhIngan-Hol Archive: Thu May 11 21:33:47 2000
[Date Prev][Date Next][Thread Prev][Thread Next]
juppu'na' vIHutlhbej
- From: SuSvaj <[email protected]>
- Subject: juppu'na' vIHutlhbej
- Date: Thu, 11 May 2000 23:54:04 -0500
DaHjaj 'oH qoSwIj'e'. wanI'vam potlh vIlopmeH, tachDaq cha' juppu' vIghom
'e' vInab rIntaH. juHqochwI' ghaH wa' jup'e'. DaHjaj po, juppu'vamvaD
"DaHjaj ram "Omars" tachDaq maghom, qar'a'?" vIghel. "HISlaH" lujang.
"wa'maHlogh Qoylu'DI', tachvetlhDaq pIleghbej." toH, wa'maHlogh Qoylu'DI',
pa' vIpaw. 'ach wa' rep, wejmaH tup je pIq, jImobtaH.
toH, juHwIj vIrI', 'ej jang juHqochwI'. "Omars"Daq vItu'lu', qalth naDev
SoHbe'?" vIghel. jang ghaH: "jIDoy', jIQong vIneH. latlh jaj majaHlaH'a'?"
latlh jaj? DaHjaj 'oH qoSwIj'e' jay'! toH, not paw juHqochwI'. not paw
latlh jupwI' je. qatlh? 'e' vISovbe'. DaH jISaHbe' jay'. juppu' chu'
vISamnISbej.
SuSvaj