tlhIngan-Hol Archive: Thu Jan 27 11:41:18 2000
[Date Prev][Date Next][Thread Prev][Thread Next]
cha'Hu' Hegh jIlwI' puqloD
- From: "William H. Martin" <[email protected]>
- Subject: cha'Hu' Hegh jIlwI' puqloD
- Date: Thu, 27 Jan 2000 14:39:54 -0500 (Eastern Standard Time)
- Priority: NORMAL
cha' puqloD wa' puqbe' ghaj jIlwI'. nIbchu' cha'
puqloD'vam. quq qoSchaj.
chaq cha'maH cha'ben boghpu' loDnI'pu'vam. SuvwI' moj wa'.
tugh *Olympic ski*wI' mojlaw' latlh. *Colorado* DabchoH
loDvam Qup 'ach nenchoHtaHvIS nuvvam juHwIjDaq Sum juHDaj.
loDvam vISov.
cha'Hu' cha' jup tlhej loDvam. Dev. *ski*mey lo' juppu'.
*snow board* lo' loD. juppu'DajvaD He QobHa'moHmeH loDvam,
HuD yorvo' ngechDaq yav chuch chIS pummoH loD. chIch
Qomlaw'. yav chuch pe'meH *snow board* lo'. ngechDaq pumDI'
chuch, chuchvam tlha' loDvam.
'ach chuchghom cha'DIch pum je. loDvam tlha' chuchvam.
pe'vIl loDvam yuv chuchvam. Sor ngeQ loD. ghor mong.
SIbI' Hegh.
ghaytan cha'leS maghom jIlwI'pu' 'IQ, qorDu' 'IQ jIH je.
charghwI'