tlhIngan-Hol Archive: Tue Dec 12 13:48:18 2000
[Date Prev][Date Next][Thread Prev][Thread Next]
re:QQ11
- From: "William H. Martin" <[email protected]>
- Subject: re:QQ11
- Date: Tue, 12 Dec 2000 16:37:09 -0500 (Eastern Standard Time)
- Priority: NORMAL
> Qo'noS QonoS wa'maH wa' vIlaDta'. 'ej 'oH vIparHa'qu' 'e'
> vIDIS. qonwI'pu' 'ey chaH Holtej'e' Qanqor HoD'e' je.
> mughojmoH ghItlhmeychaj. 'ach rut tlhIngan Hol
> vIlaDtaHvIS jIyajHa', 'ej DaH ghItlhmeychaj 'op 'ay'
> vIyajHa'law'. mughelmoH meqvam:
> ///////////////////////////////////////////////////////
> <<tera'vo'>>
> cha'logh <<tera'vo'>> qonwI' ponglu', 'ej cha'logh Qanqor
> neH ponglu', qatlh Qanqor neH ponglu', ret Qanqor HoD
> ghaH net Sov, DaH HoD ghaHbe''a' Qanqor.
noy Qanqor. patlhDaj Sov Hoch net Sov.
ngoDvam yISov: HoD Qanqor maS Qanqor. Qanqor HoD par.
Qanqor DabelHa'moH DaneH'a'? yIperchu'.
> <<Huj bIH law' (...) bIH puS vIyajbe'bogh tu'lu'.>>
> <<bIH>> mu' lutlhej <<law'>> <<puS>> joq mu'mey 'e'
> tu'ta''a' vay'. vISovbe'.
qay'be'. Qanqor vIyajchu'. DunuQ'a' <<Qujmey puS>> <<Qujmey
law'>> joq? <<Qujmey>> Da <<bIH>>.
> muHonmoHbogh wa' mu'tlhegh tu'lu':
> <<'ach rut 'upbe'bogh wa' tu'luH.>>
> <<luH>> ngaSchugh <<tu'>> wot, vaj <<lu'>> ngaSnIS'a'
> <<'up>> wot.
ghobe'. 'upbe' wa' Quj. Qujvam tu'laH nuv. nuvvam
wIwIvnISbe'. Qap vay', vaj {-lu'} wIlo', 'ach {-laH} wIpoQ
vaj {-luH} wIv Qanqor.
> <<wej' mIw tu'lu'>> mu'tlheghDaq wa' Qagh tu'lu'. <<wej>>
> 'oH mu' lugh'e' net Sov.
jej mInDu'lIj. majQa'!
> <<...tlhoy' chen'eghmoH botwI'pu'.>> <<tlhoy' chenmoHqa'
> botwI'pu'.>> je mu'tlheghmey DublaH vay'. qaq <<...tlhoy'
> moj'eghmoH botwI'pu'.>> <<tlhoy' mojmoHqa' botwI'pu'.>>
> mu'tlheghmey. vaj 'oH vuDwIj'e'.
chuHwI' QanmeH tlhoy' luDachoH botwI'pu'.
mu'tlheghwIj DaparHa''a'? nap. Qap.
> mujba' <<maymayvam>> mu', lughbej <<may'meyvam>>.
jej mInDu'lIj 'e' Datobqa'.
> chaq mangach'eghmoH mu'tlhegh veb:
> <<chay' HIv HIvwI'pu' not 'e' Sov HubwI'pu'.>>
nong vuDwIj 'ach Qanqor vIvuvmo' jItamtaH.
> mangach vIneHbe', tlhIngan Hol po'wI' ghaHmo' Qanqor
> HoD'e', 'ej vISuSmo'.
nuq DaSuS?
> ///////////////////////////////////////////////////////
> <<nuq vIqel?>>
> muHonmoHbogh wa' mu'tlhegh tu'lu':
> <<nIv mIwvam 'e' maq chutvam.>>
> <<maq>> wot lo'lu'DI', <<'e'>> lo'nISlu''a'.
HIja'. wot <<jatlh>> 'oHbe'. wot <<ja'>> 'oHbe'. latlh mIw
vI'agh:
maq chutvam. jatlh <<nIv mIwvam>>.
Qanqor mIw vImaS. choghelmo' neH chovnatlh vIchenmoH.
> ///////////////////////////////////////////////////////
> jIghojmeH jIghel.
qaghojmoHmeH jIjang.
> --ghaHbe'wI'
SarrIS