tlhIngan-Hol Archive: Mon Sep 13 13:16:38 1999
[Date Prev][Date Next][Thread Prev][Thread Next]
jIchegh
- From: "Andeen, Eric" <[email protected]>
- Subject: jIchegh
- Date: Mon, 13 Sep 1999 13:16:55 -0700
reH latlh qabDaq qul tuj law' Hoch tuj puS.
qaStaHvIS vagh jaj jIDach, 'ach DaH jIchegh. jIDach 'e' vIHechbe', 'ach
*internet* vInaw'laHbe'mo' jIDachbej.
vaghHu' jIlengchoH. De'wI'wIj vIqem, 'ej De'wI', 'ej jItlheDpa' De' HablI'
(*modem*) je vI'olba'ta'. mebpa' vIrI' 'ej jIjatlh <*internet* vInaw'meH
mebpa'wIjDaq De'wI'wIj (De' HablI'wIj je) vIlo'laH'a'?>. jang mebpa' loHwI'.
<HIja'. qay'be'.> jatlh. vaj loSHu' po De'wI'wIj vIlabbeHmoH 'ej HablI'
vIrar. *internet* vInaw' 'e' vInID, 'ach jIluj. rarbeHmeH wab (*dial tone*)
tu'be'chu' De'wI'wIj. ghay'cha'.
ramvetlh mebpa' loHwI' yaH vIghoS 'ej vIghel. <*internet* vInaw'meH chay'
ghogh HablI' patlIj vIlo'laH?> jIjatlh. jan mach munob loHwI' 'ej jatlh
<janvam Dalo'nIS. ngaSwI' yInuD - lo'meH mIw Del>. janvamvaD *modem mate*
ponglu'. maj. DaH *internet* vInaw'laH. vaj pa'wIj vIchegh 'ej janvam vIlo'
'e' vInID. janvam vIrar 'ej De'wI'wIj vIlabbeHqa'moH. DaH rarbeHmeH wab
vIQoybej, 'ach nItHa'qu' 'ej De'wI'vaD yapbe'ba'. Qu'vatlh.
wejHu' po be'nalwI' SoS pa' vIghoS. pa' janvam, De'wI'wIj je vIlo' 'e'
vInID. rarbeHmeH wab vIQoybej 'ej SIbI' tu' De'wI'wIj. majQa'! rar De'wI'wIj
'e' nID. De' HablI' wabmey motlh vIQoy, 'ej Qaplaw'lI' De'wI'wIj. 'ach tlhoS
rInlaw'DI', nItHa'qu'choH De' HablI' wabmey 'ej taghqa'. cha'logh, wejlogh
ghap qaS wanI'vam. jegh De'wI'wIj. jInIDqa'. De'HablI' vIlIS. jInIDqa'. jan
vIlIS. jInIDqa'. Qapbe'chu'taH. Qu'vatlh ghay'cha' baQa'!
mebpa'meyvam vIcheghchugh, *internet* vInaw' 'e' vInIDqa'be'. jIDach 'e'
vImaq neH.
yIvoq, 'ach yI'ol.
SKI: pagh is back after five days of no internet connection due to lousy
hotel phone systems.
pagh
Beginners' Grammarian
tlhIngan Hol Mailing List FAQ
http://www.bigfoot.com/~dspeers/klingon/faq.htm