tlhIngan-Hol Archive: Sat Sep 11 21:08:25 1999

Back to archive top level

To this year's listing

• Index by Date
• Index by Thread
• Index by Author

jupwI' le'

• From: "William H. Martin" <[email protected]>
• Subject: jupwI' le'
• Date: Sun, 12 Sep 1999 00:08:01 -0400 (Eastern Daylight Time)
• Priority: NORMAL

wejSaD qelI'qam 'aD juHwI' jupwI' juH je joj. Hopqu'. Do' QummeH 
De'wI' DIlo'. pIj maQum.

wa'Hu' muja' <<*muse*lI' jIH.>> pup qechvam. Del'eghta'. pIj 
muDuQ. reH vItIv 'ej jIHvaD le'qu' be'vam.

javben maqIH. latlh QInDaq poHvam vIloyHa'. DaHjaj vI'ol. javben 
maqIHbej. qaStaHvIS jav DIS maghomqa'be'. mu' nobmey vInob 'ej 
munob.

Duq chenmoHmeH ghop lo' 'ej lam Doq lo'. QaDmoHchu'meH 
tujqu'moH. Duqvam munob. Hoch jaj Duqvam vIlo'.

*shawl* le' vIchenmoH. 'IHqu'. vInob.

wejmaH cha'Hu' maghomqa'.

bangpu' maHbe'. parmaq wIghovbe'. Hopqu' 'ej nIteb maQuch.

'ach munajmoHbej. muDuQ mu'Daj. ghaHmo' tIqwIj vIQoylaH. yInwIj 
motlh le'moH. jIQuchnIS. jI'IQ 'e' vInIDchugh vIvonlu'.

charghwI' 'utlh

• Prev by Date: Re: HolQeD
• Next by Date: Re: mangghom / KLBC
• Prev by thread: mangghom
• Next by thread: pongmey mu'ghom
• Index(es):
  • Date
  • Thread
  • Author

Back to archive top level