tlhIngan-Hol Archive: Wed Nov 10 12:15:14 1999
[Date Prev][Date Next][Thread Prev][Thread Next]
Re: Klingon WOTD: bachHa' (v)
- From: [email protected]
- Subject: Re: Klingon WOTD: bachHa' (v)
- Date: Wed, 10 Nov 1999 15:14:16 EST
jatlh Holtej:
>Klingon word: bachHa'
>
>Additional Notes:
>Listed as (n) in the Klingon-English side of KGT (likely an intentional
>mistake), but (v) in English-Klingon side and in body text.
vIjatlh:
>DaHjaj <<jaj mu'>> lI' law' wa'Hu' <<jaj mu'>> lI' puS. qatlh chIch
>QaghtaH <<bachHa'>> "part of speech"?
jatlh charghwI':
>pIj qID *Okrand*. TKD mu'ghomDaq bong Qagh. Qaghvam wItu'. ghIq
>mu'mey chu' chel *Okrand* 'ach cheltaHvIS ghelchu'be' *Okrand*.
>navmeyDaq ghItlh 'ach pengmey rur navmeyvam. wa' paq chenmoHbe'.
>wa' DaqDaq navmey lutu'lu'be'. Hoch mu'mey SamlaHbe' *Okrand*.
>
>mu'mey chu'vam vIgher 'ej wa' paq vIchenmoH. qaSDI' *Okrand*
>vIghommeH wanI' cha' *OkrandvaD* paqvam vInob. mutlho'.
>
>paqvamDaq cha'logh jIQaghpu'. KGTDaq QaghwIj ghItlh *Okrand*.
>maqmo' *Okrand*, lughchoH QaghwIj. tlhaQ ghu'. qIDba' *Okrand*.
>mu'ghom gherlu'DI' Qagh Hoch 'e' Sov *Okrand* vaj KGTvaD mu'ghom
>chu' chenmoHDI' mu' wa'DIch nunobDI' chIch Qagh *Okrand* 'ej
>mu'vetlh 'oH <<bachHa'>>'e'. Qaghmey qel mu'vam. tlhaQchu'.
DaH jIyajchu'. tlhaQchu' 'e' vIQochbe'.
- DujHoD