Re: muD Duj

[Terrence Donnelly <pag000@mail.connect.more.net>]

Qov QInmo', qID vIqaw:

muD DujDaq leng loS: Duj DeghwI', wej raQpo'pu' je.
veng wa'DIch vaS'a' ghoStaHbogh SuvwI' ghaH wa'
raQpo''e'.  DuSaQvo' cheghtaHbogh loDHom ghaH wa'
raQpo''e', 'ej lalDan pIn ghaH wa' raQpo''e'.

pay' QapHa'choH muD Duj QuQ, 'ej chalvo' pumchoH
Duj.  *parachute* Suq DeghwI'. jatlh "petoD'egh",
'ej Dujvo' Sup.  

latlh *parachute*mey Sam raQpo'pu'.  Do'Ha', cha'
*parachute* neH tu'.  jatlh SuvwI' "jIH val law',
Hoch val puS, vaj *parachute* vIqotlh."  *parachute*
tlhap ghaH 'ej Dujvo' Sup.

ratlh wa' *parachute* 'ach cha' raQpo' jay'.  jatlh
lalDan pIn "*parachute* yItlhap, loDHom.  jIqan. yIn 
nI' vISIQpu', 'ach SoHvaD ratlh DIS law'.  DatlhapnIS."

Hagh loDHom.  jatlh "qay'be', qaH.  maHvaD taHbej
yIn.  SuvwI'vetlh val law', Hoch val puS, 'ach
*backpack*wIj neH nIH ghaH."

-- ter'eS