tlhIngan-Hol Archive: Tue Mar 30 20:22:36 1999
[Date Prev][Date Next][Thread Prev][Thread Next]
Re: qama'
SuStelvaD:
va!!!!!
qayajHa'pu'chugh vIt vIlajqangbej. DaH choyajHa'pu'chugh vIt
Dalajqang'a'?
ghunchu'wI' DaqeSlaw'. bIjatlh <<peHruS yIjangQo'!>>
ghaHvaD <<yab yaS>> Dapong. loQ yab yaS Damojlaw' 'e' vIchup
neH. qajangDI' loQ yab yaS vImoj je. veb 'Iv?
yab yaS vImoj 'e' vIchIDDI' bIlaDbe'law'. ngoDvam vIghovbe' 'e'
Dapum. SoHmo' jImoghqangchugh ngeD Qu', 'ach jIropmo' jImogh.
latlh meq vIpoQbe'.
lutlIjmey vItIv. Dalbe' lut. rut Dal lut ja'meH mIw.
choyajchu'be' 'e' vIpIHchu'. qatlh bIqejtaH? qay' nuq?
charghwI' 'utlh
On Mon, 29 Mar 1999 15:09:12 -0800 (PST) David Trimboli
<[email protected]> wrote:
> va!!!!
>
> pagh vISeH vIneH jay'! 'a mu'meywIj DaSeH DaneHlaw'. DaH jIjangpu'chugh
> SeHwI'na' jIHpu'. jIjangbe'pu'chugh jIlughpu' 'a Sovpu' pagh. chIch
> choyajHa'law'.
>
> vaj jIjegh. bISeHtaH j'e' Dalegh DaneHbe'bej, vaj yISeHtaHqu'. bIra'taHvIS
> qabuSHa'. qavuvbe'choHQo', 'a bIghoH neH 'e' vIQoy vIneHbe'.
>
> SuStel
> Stardate 99241.5
>
> jatlh charghwI':
> peHruS wIjang 'e' wImevnIS 'e' DaHar'a'? chaq yab jaS Damoj
> DaneH SoH! Holmaj SeH peHruS neHlaw'mo' peHruS, peHruS SeH
> ghunchu'wI' neHlaw' ghunchu'wI'. peHruS SeH neHlaw'mo'
> ghunchu'wI', ghunchu'wI' DaSeH DaneHlaw'. ghunchu'wI' DaSeH
> DaneHlaw'mo' qaSeH vIneHlaw'. muSeH neH 'Iv?