tlhIngan-Hol Archive: Fri Mar 26 21:06:21 1999
[Date Prev][Date Next][Thread Prev][Thread Next]
Re: qama'
- From: "William H. Martin" <[email protected]>
- Subject: Re: qama'
- Date: Sat, 27 Mar 1999 00:06:26 -0500 (Eastern Standard Time)
- Priority: NORMAL
On Fri, 26 Mar 1999 01:36:59 -0800 (PST) [email protected]
wrote:
> In a message dated 3/21/1999 9:50:12 AM US Mountain Standard Time,
> [email protected] writes:
>
> << choyIv, peHruS. not tlhIngan Hol Dayajchu'. reH mayajchuqchu', 'ach reH
> Hol
> DaqaD DaneH. yImev! Hol yIlaj 'ej yIlo'! bInuQ; ghIlab ghew Darur! Hol
> lo'
> DaghoHDI', qagh DaHoH! >>
> ==============================
> HolQeD Dayajbe'taHvIS HItIchqa'Qo'!
pIj latlhpu' DatIch. yIjot.
> tlhIngan Hol Dayaj 'e' DaHar;
tlhIngan Hol lo'DI' nuvvam Dayajlaw'. ghaytan tlhIngan Hol yaj.
> 'ach,
> tlhIngan Hol qelbogh HolQeD mu'mey Dalo'laHchu'be'mo' pIj bImuj.
pIj bImuj. qen bImuj. tlhIngan mu'tlheghmey qonchu'laHchugh
nuvvam, jIyon. HolQeD mu'mey lo'chu''a'? jISaHbe'. QummeH naDev
jIH. rut HolQeD tlhach mu'mey vIlo'nIS 'ach ngoQwIj 'oHbe'.
QummeH Qu' 'oH ngoQwIj'e'.
> SoHvaD
> mu'meyvam qechna' vIQIjDI' DunuQ wanI'vam. tlhIngan Hol Dayajchu' DaneHchugh,
> Holmey mIwmey DayajnIS. qagh vIHoHbe', 'ach qaghDaq 'uSu' QaQ vIlIch.
'e' DaHarba' 'ach bIqarchu'chugh qatlh Qoch jatlhwI'pu' law'?
qatlh reH bISuvnIS? SuvnIS latlhpu'? yIbej! qatlh reH bIpIm?
qatlh reH le'qu' qechlIj? latlhpu' Davuv'a'? maQum 'ej maghom
vIneH. reH maghoH vIneHbe'. lI'be' ghu'vam. matIchchuqtaHDI'
puqpu' DIrur. naDev tIchlu'DI' tlhoS reH DatIch qoj DatIchlu'.
pIjHa' tIchchuq latlhpu'. ghu'vam wIchoHlaH'a'?
ghomuv neH. yIQum. yInlIj yIDel. lutlIj yIqon. tlhach mu'mey
tIjun. tlhIngan Hol lo'lu'DI' tlhIngan Hol ghojlu'. laH
Daghajba'. yIlo'. bIghoH 'e' yImev!
> Hol vIqaDbe'bej. rut HolQeD mu'mey'e' lo'ta'bogh MO yajbe'mo' vay', vaj
> Holmaj lo'Ha' vay'.
pIj Holmaj Dalo'Ha'pu' 'ach reH ghojmoHwI'maj DaDa DaneHba'.
yIjeS neH. pIjHa' tlhach mu'mey wIpoQ. ram.
> vay'vetlh vIqaD 'ach Holmaj vIqaDbe'.
jISaHbe'. yIjeS neH.
> peHruS
charghwI' 'utlh