tlhIngan-Hol Archive: Thu Mar 18 06:10:46 1999
[Date Prev][Date Next][Thread Prev][Thread Next]
A little story
- From: david joslyn <[email protected]>
- Subject: A little story
- Date: Thu, 18 Mar 1999 09:10:15 -0500 (EST)
ra'uSma: Qorvagh, luQatlh puqloD! chonvo' qacheghta'.
Qorvagh: HIja', ra'uSma rorwI'. law'bogh veDDIrDu' DIghaj
'ach DaH maghung 'ej maSopnIS luQatlh tuq. DaSoppu'be'bogh
nuq Daghaj'a', rorwI'?
ra'uSma: veDlung wamwI'qoq, targh tIqDu' reghuluS 'IwHIq je
tebbogh wej qeghmey vIghaj. pa', vutbogh qulmeyDaq.
Qorvagh: qeghmey?! DaleghlaHbe' rorwI'. HIvje'mey neH bIH. tI'qa'
vIghrowIj luje'laHbe'!
ra'uSma: SopnISchugh luQatlh tup...
Qorvagh: bIjatlh 'e' yImev, rorwI'. yap qeghmeyqoqvam. bIHvaD
wa'maH vagh veDlung veDDIrDu' vInob.
ra'uSma: cha'maH veDDIrDu' vIneH, wamwI'. be'nI'Daj puloDvaD
wep chenmoH be'nalwI'.
Qorvagh: cha'maH?! wamwI' jIH; joH'a' jIHbe'! rorchugh 'ej Dururchugh,
qulmeylIjDaq ba' 'e' yIchaw'nIS. ghoSDI' wa'leS lang.
ra'uSma: (qulmeyDaq muQaHchugh lI'.) wa'maH chorgh.
Qorvagh: wej qeghmeyvaD wa'maH jav veDlung veDDIrDu' 'ej wejben,
'oQqarmey DIyobpu'DI' 'ej naDev ghoS joH Su'oy, bIlopbe'pu' 'e'
vIqawHa'.
ra'uSma: jatlIj Dajoq 'ej qabbogh lutqamwI' rur. 'ach veDDIrHomDu'
vItlhap. tIn'a'?
Qorvagh: loS bID 'ujmey 'ej qIjpu' 'ej ram rur.
ra'uSma: HIleghmoH...HIjav', majQa'. qeghmeylIj bIH, Qorvagh luQatlh
puqloD. malthongchuqneS.
Qorvagh: not bIr be'nallI' be'nI puqloD vIneH, ra'uSma ghIvaD puqloD.
ra'uSma: Qapla'taH!