tlhIngan-Hol Archive: Mon Jun 14 18:59:22 1999
[Date Prev][Date Next][Thread Prev][Thread Next]
No Subject
jabbI'ID ghomvamDaq "Hov leng Ds9" jabbI'ID HochDIch ja'chuqpu'be'mo' vay'
jImer. vaj vuDmeywIj vInob 'ej chaq jang vay'. QIv jabbI'IDvam 'e' vIHar.
ngaj lut, 'ach nI'bej jabbI'ID. QIv may'mey je'. "Dominion" yo' tlhegh
DuQmeH, Qatlhqu' Qu' 'e' ja'mo' "Sisco" HoD, jISeybej. jabbI'ID Qav
vIbejDI', may' tInqu' vIlegh 'e' vIpIH. 'ach qaSbe' wanI'vam. qarDaSDaq
paw' DIvI, tlhIngan, romoluSnagan boq yo', Harghchuqqu' boq, "Dominion"
yo'mey je' 'e' vIneH. 'ach Do'Ha' SIbI' jegh "Dominion".
"Breen" wIngu'laHbe'taHmo' jImogh je'. qaStaHvIS jabbI'IDmey law' "Breen"
wIyajchoHtaH. qaStaHvIS DISmey law', bIrqu' juHqo'chaj 'e' Har Hoch. 'ach
DaH lughbe ngoDvam 'e' wISov. vaj ghaytan bIrmoHmeH Sut tuQnISbe' chaH.
"Breen" qab leghpu' pagh 'e' jatlhmo' wo'rIv, ghaytan pegh So'taH "Breen".
'ej peghvetlh 'ang qonwI'pu' 'e' vIpIH. 'ach qaSbe' wanI'vetlh je'.
Do'Ha' DaH ghaytan not Sovlu' peghvam.
Qochbe''a' vay'?
SuSvaj