tlhIngan-Hol Archive: Fri Jul 16 07:37:12 1999
[Date Prev][Date Next][Thread Prev][Thread Next]
Re: leng, jabbI'IDghomvam tlhIngan Hol je
reH DojtaH ghojwI'vam Qup. jatlhchu'. ngeD vIyajlaHmeH Qu'.
charghwI' 'utlh
On Thu, 15 Jul 1999 18:25:57 -0400 Christiane Scharf
<[email protected]> wrote:
> QInvam pongHey taQmo' bISIvchugh: wa' Doch buSbe'mo' QInvam pongHeyvam taQ
> vIlo'.
>
> *Weimar* veng vISuchpu'. DaHjaj po QIn vIqonchoH. jIghItlh:
>
> << po. Sochlogh Qoylu'pu'. lupwI'Daq jIba'taH. *Weimar* veng wIleng jIH
> latlh HaDwI'pu' je. pa' *Goethe* juH vISuch. latlh qachmey DISuchlaH je.
> 'ach motlh Dal DevwI' SoQ 'ej nI'qu'. vaj ghaytan Qe' wI'el neH qoj Suy
> Daqmey DIjaH. QaQqu'be' muD Dotlh. SISbe' 'ej SISbe'taH 'e' vItul. jatlhlI'
> lupwI' chIjwI'. SoQDajmo' qID jupwI'. jIHagh. 'ach DalchoH ghu'. paq laDtaH
> wa' jupwI', QonoS laDtaH latlh, QoQ 'IjtaH latlh, *card* Quj luQuj latlhpu'.
> tlhIngan Hol QIn vIqonmeH pup 'eb. qaStaHvIS 'op Hogh, law'qu'mo' Qu'meywIj,
> SuvwI' Hol vIbuSlaHchu'be'. reH jabbI'IDghom QInmey vIlaD 'e' vInID, 'ach
> jIQapchu'be': tlhoS ratlh cha'vatlh QInmey vIlaDnISbogh. potlhbogh
> jabbI'IDghomvam choHmey puS vItu'. cheghta' charghwI'ma' (tlhoS <cheghta'
> charghwI'maj> vIghItlh 'a Do' Qagh vItlhoj... 'ach SIbI' Qagh 'oHnISbe' 'e'
> vItlhoj: cheghta' charghwI' - maj!). SaHchugh ghaH reH law' QInmey. cheghta'
> je Qanqor noy. cheghta'pa', ghaH'e' vISovbe' jIH, 'ach rut pongDaj noyqu'
> vIQoypu'. tlhIngan Hol QInmeyDaj vIlaDDI' noy ghaH nom 'e' vIyaj. Holna'maj
> lulo'chu'bogh QInmey'e' vIlaD reH 'e' vItIvqu'. Hol vIHaDchoHtaHvIS Qatlhqu'
> tlhIngan Hol vIlaDmeH Qu'. Hoch mu' Hoch moHaq Hoch mojaq je vIHotlhnIS 'ej
> vIpojnISchu'. DaH motlh DIvI' Hol vIlaDmeH Do rur tlhIngan Hol vIlaDmeH Do.
> DaH tlhIngan Hol vItIvlaHchu'.
> vIghItlh DaH 'e' vImev. chaq pov vay' vIqonqa'. >>
>
> toH, qaStaHvIS pov jIqonbe', vaj DaH taH lengvam lutwIj.
>
> *Goethe* juH wISuch. Dal DevwI' SoQ 'ej nI' (net pIHpu'). qachvo'
> mamejpu'DI' Qe' vISam. 'ey Soj, 'ach loQ wagh. HurDaq maba'taH. Soj
> wIloStaHvIS loQ SIS, 'a Do' nom mev. maSoppu'DI' vengDaq mayIt. Soj taD (ice
> cream) wIje'. 'eyqu'. voghDaq maba'. lupwI' wIloStaHvIS maba'lI'. majatlh,
> maqID, mamaw'. paw lupwI'. lupwI' qoDDaq maQuj. lupwI' wI'elHa'DI'
> juHchajDaq chegh Hoch jeSwI'pu'. pItlh.
>
> HovqIj
>
>
>
>
>
>
>
>
>
>
Will Martin
UVA ITC Computer Support Services