Re: pawlI' ghom naQ

[Alan Anderson <aranders@netusa1.net>]

mujang Qov:
>>...raQpo' DalupmeH DIb Dabajbejta''a'?
>
>HIja'.  DaH malja' chaw' vIbajlI'.

majQa'!  ngoQ Datlha'DI' Datlha'chu' 'e' vIqawnISbej.

>...DujwIj vIvoqlaHbe'.  Duj'e' vIvoqnIS, 'ach DujwIj'e' vIvoqbe'nIS.
>SumIS'a'?  :) rut taHlaw' porghwIj 'ach taHbe' Duj.

DujlIj DaghojmoHlI'.  tugh QochchoHlaw' DujlIj DujlIj janmey je.
Davoqqa'laH.  teSlIj'e' tIvoqQo'!

>puvHa'choHDI' Duj SIbI' vIlughnISmoH.  ghu' vIpojHa'be'nIS.  rut Qu'
>vIta'Ha' 'ej jatlh ghojmoHwI' <WHAM!  ghor Damup.  bIHegh.>

bIqeqtaHvIS, jen ghorraj ngeb, qar'a'?

>vIta'chu'DI' Hem ghojmoHwI'.

DaHem je SoH, qar'a'?  ghojmoHwI' yIja': chonaDmeH bIjatlhnIS maj.

>...lupwI'Daq tlhup loDnalwI'.  jatlh <mamIp 'ej mamaw' 'e' luHar>
>jIjang. jIjatlh <lugh chaH.  yItIv>.

SumIpbej.  Sutay'taHvIS yIn'a' botIvlI'.
Sumaw''a'?  SanoHlaHbe'.

>qech vIQul 'ej DuHchugh, qep'a'Daq chal wIchargh. :)

"Las Vegas"-Daq cha' wej yotlh lutu'lu'.
tInqu' "McCarran".  pa' Saq raQpo' Duj law'.
"Nellis" waw' lo' QI'.  wIlo' maH net chaw'be'ba'.
ghaytan qaq yotlh mach, "North Las Vegas".

'ach ghaytan yapbe' poHmaj.  latlh Qu''a' DIta'nIS.

>(toH! tlhIngan Hol vIqawlaw'.  bIlugh, ghunchu'wI')

"bicycle" lIghmeH mIw rur Hol jatlhmeH mIw net tu'law'.

-- ghunchu'wI'