tlhIngan-Hol Archive: Mon Jan 04 17:07:21 1999

Back to archive top level

To this year's listing

[Date Prev][Date Next][Thread Prev][Thread Next]

Re: Problem Words

ja' SuStel:
>*Contact* vIlaDpa' *Ockham's Razor* vIQoypu'qu'!  'ach *Contact* bejlu'pa',
>pIjHa' "Ockham's Razor" Qoylu'.  DaH pIj "Ockham's Razor" Qoylu'.

Huj.  chay' choHvetlh qaSmoH "Contact"?  lutDaq pervam vIqawbe'.
lut vIlaDqu'.  loQ vIbej; QIvbej lut bejlu'bogh.  "Contact" vIlaDpa',
motlh "Ockham's Razor" vIQoybe'.  DaH vIQoybe'.  choHpu' pagh.
chaq taQ juppu'lI'.  chaq taQ juppu'wI'.  chaq pIm neH.

>"T-Rex" luQoymo' "Jurassic Park" bejwI', reH "T-Rex" lujatlh 'e' luHar!

"Tyrannosaurus Rex" qelbogh wej paq vInuD.  cha'Daq "T. Rex" vISam.
paqmeyvam ngo' law' "Jurassic Park" ngo' puS.  motlhbej pongHomvam.

>jIjatlh: "Jurassic Park" Dabejpa', "Tyrannosaurus Rex" bIjatlh.  vIjanglu':
>qarbe'!  reH, reH "T-Rex" jIjatlh jay'!  jIqarbejqu' jIH, 'ej ngebwI'pu' Har
>qoHpu'vam.

"Jurassic Park" ghItlhpa' Crichton, SoHvaD "T. Rex" luqelmoH wanI' 'ar?
qub ghu'vetlh 'e' vIpIH.  ghaytan wa'logh "Tyrannosaurus Rex" DapongnIS
qaStaHvIS wa' DIS.  "Jurassic Park"-mo' pay' wejlogh DapongnIS qaStaHvIS
wa' tup -- 'utba' qIgh motlh.  chaq bIqarbejbe' SoH.

>choHartaHchugh, news://news.startrek.com/startrek.expertform yInuD.
>QeDqoqchaj luHarqu'law' qonwI'pu' law'!

<choHontaHchugh> DaghItlhHa', qar'a'?  QeDqoq luHar 'e' luDabej.
rut vIDa je.  'ach pongna' rurbe' QeDqoq.  "Occam's Razor" vIpong jIH.
pong je latlh.  ram "Contact".  "T. Rex" vIpong jIH.  pong je latlh.
ram "Jurassic Park".  nInuQlaw' ghIlab ghew.

-- ghunchu'wI'

Back to archive top level