tlhIngan-Hol Archive: Thu Feb 18 13:06:07 1999
[Date Prev][Date Next][Thread Prev][Thread Next]
Re: qa'wIj Dotlh Dublu'law'
- From: "William H. Martin" <[email protected]>
- Subject: Re: qa'wIj Dotlh Dublu'law'
- Date: Thu, 18 Feb 1999 16:05:57 -0500 (Eastern Standard Time)
- In-Reply-To: <[email protected]>
- Priority: NORMAL
cha'Hu' jIghungchoH.
Soj ngevmeH jan vIghoS.
vaghmaH vagh vatlhvI' DeQ vInob.
Ha'DIbaH "cracker"mey vIwIv.
Sojvam munobmeH leQ vIchu'.
qaS pagh.
vIchu'qa'.
qaS pagh.
HuchwIj munobHa'meH jan leQ vIchu'.
cha'maH vagh vatlhvI' DeQ munob jan.
leQ vIchu'qa'.
qaS pagh.
cha'maH vagh vatlhvI' DeQ vInobqa'.
SIbI' Huchvam munobHa' jan.
vInobqa'.
munobHa'qa'.
vInobqa'.
munobHa'qa'.
loQ vIqIp.
leQ vIchu'qa'.
qaS pagh.
vIqIp. leQ vIchu'qa'.
qaS pagh.
pe'vIl vIqIp. leQ vIchu'qa'.
qaS pagh.
wejlogh jIQeqchu' 'ej wejlogh pe'vIl vIpup.
wejlogh tlhoy' mup jan.
leQ vIchu'qa'.
qaS pagh.
jISaHbe'. wejmaH vagh vatlhvI' DeQ neH vInob 'ej wanI' vItIvqu'.
charghwI' 'utl
On Thu, 18 Feb 1999 12:22:40 -0800 (PST) Alan Anderson
<[email protected]> wrote:
> yaHwIj chobDaq Qam SojHom ngevbogh jan.
> janvamvo' vay' Suqlu'meH, janDaq Huch lanlu'.
> baS Huch, nav Huch je laj.
> vay' je'lu'DI', chuvchugh Huch, Huch chuv poltaH jan.
> Huch chuv Suqqa'lu'meH, leQ le' HotnISlu'.
> rut jeH je'wI' vaj latlh Do'vaD ratlh Huch chuv.
>
> qen loQ jIghungchoHlaw' 'ej janvamvo' murI'law' yuch.
> jIghob'egh -- qaghqu' yuch chab. jIghungbej'a'?
> jISeH'eghlaH'a'? jIHoS'a'? jIpuj'a'? yuch vIpoQchu''a'?
> jIqelchu'taHvIS, janDaq nav Huch vIlan. SIbI' jIwIv: jIHoS.
> jIwIvta'DI', leQ vIchu'.
>
> Huch nobHa'bogh jan law' law' Huch vInobpu'bogh law' puS!
> DaH jIQuchqu'. jIQapta'mo' pop vIHevlaw'.
>
> SKI: I was rewarded for defeating a vending machine brownie in a
> battle of wills. [What's a good way to say 'positive Karma'? :-)]
>
> -- ghunchu'wI'