tlhIngan-Hol Archive: Tue Feb 16 08:49:47 1999
[Date Prev][Date Next][Thread Prev][Thread Next]
yaSmIn
- From: "Lieven L. Litaer" <[email protected]>
- Subject: yaSmIn
- Date: Tue, 16 Feb 1999 17:45:42 +0100
DaH bang lut vIja'.
"pemHov jaj" be' 'IHqu' vIqIH. mI'meH DuSaQDaq *carnaval* lop vISuch. jech
ghotpu' law'. jIjech'eghbe' jIH. jech vIpar.
mI'wI'na' jIHmo' mI'meH qoch vInej. mI'qangbe' be'pu' law' vItlhobbogh.
vaj wa' be' vIghel: bImI' DaneH'a'? jImI'chu'laHbe' jang. 'ach wInIDlaH
jIjatlh. Qochbe' 'ej mamI'choH. mI'laHbe'bej, 'ach wItIvqu'.
qaSDI' poH ngaj 'ojmo' tlhutlh neH ghaH. ghaHvaD jIHvaD je 'awje' vIje'
'ej matlhutlhtaHvIS maja'chuq. rInDI' 'awje'mey maj mamI'qa'.
mI'meH pa' wI'elDI' QoQ jot muchlu'. mI'meH pat wISovbe'mo' maDegh.
mamI'qu'be'. be' vI'uchqu' 'ej mavIH neH. tugh mI'meH pat vIghov 'ej ghaHvaD
pat vIchup. 'ach maDeghtaH neHbej. muchol be'! porghwIjDaq nachDaj lan.
'IHbogh jIbDaj tIq vIyach. 'IHqu' be'vam jay'! be'vam rurbogh be'pu'
vIparHa'qu'. Hurgh mInDu'Daj. Habchu' DIrDaj. tIqqu' jIbDaj Hurgh. (tlhIngan
be' jIb rurqu' jIbDaj).
tugh mulegh. mon. vIlegh je jIH. vaj vI*kiss* (ghuy'cha': the first word I
don't know how to recast:-). qaStaHvIS Hoch ram ma*kiss*chuqtaH.
wa'maH Soch ben bogh, 'ej wa'maH chorgh ben jIbogh jIH. pup ghu'vam. 'IH
porghDaj. pupqu'. *yaSmIn 'oH pongDaj'e'. muja'DI' pongDaj jImonchoH.
tlhIngan qech Sovbe' ghaH, 'ach wISov maH :-)
pItlh
('ach rInbe' 'e' vItul)
Quchqu'bogh muHwI'