tlhIngan-Hol Archive: Fri Dec 17 07:43:11 1999

Back to archive top level

To this year's listing

[Date Prev][Date Next][Thread Prev][Thread Next]

Re: SengwIj

nuvnov jang charghwI'.  ja':

> tlhoy *movies* Dabej. ngeD parmaq 'e' DapIHlaw'.


jIHvaD jatlhlaw' charghwI'! ;-)  jIQuptaHvIS ngeD parmaq 'e' vIQub jIH. 
bangna'wI' vIqIH 'ej reH nItebHa' maH 'e' vIHar. vIloSnIS neH. 'ach 
parmaqqaywI' wa'DIch vIngaghDI', maQapbe'chu'. vIngaghtaHvIS 'arlogh 
Qoylu'pu' vISovchoHmeH tlhaqwIj vInuDta'. qaSDI' wanI'vam cha'maH wej ben 
jIboghpu'. vay' vIngaghqa'be' qaStaHvIS 'op DIS. DaH rut muyonmoHmo' parmaq 
jIQuch 'ach muyajchu'bogh bang'e' vIngaghchu'bogh wej vIqIH. chaq vIqIHbe' 
'e' vIpIHchoH 'ej ghu'vam vIlajlaHlaw'. ja' Bette Davis <maS yItlhobQo'! 
Hov lutu'lu'.> vaj loQ charghwI' vIrur.

nuvnov, DaH *Brazil* DuSaQ'a'mey pat'e' loQ vIyaj. Qatlhqu'law'. bIQapjaj, 
jupwI'! HolQeD Daghoj DaneH'a'?

tugh jIghIQmo' ghomvamvo' vImej. cha'maH leS vIchegh. QISmaS yupma' yItIv!

qa'ral

Back to archive top level