tlhIngan-Hol Archive: Fri Dec 10 08:58:28 1999

Back to archive top level

To this year's listing



[Date Prev][Date Next][Thread Prev][Thread Next]

Re: SengwIj



ja' nuvnov:

> waQ puS DuSaQ'a'Daq jIHaDchoH 'e' vInID,
> 'ej vI'ellaHchugh, Do' latlh veng vIDabchoH
> 'ej loQ vItlhabchoH.

maj. DuSaQ'a'Daq yIn chu' Datagh. nIrurbogh latlhpu' DaqIHlaH. loD tachmey 
Daparchugh, qay'be'. latlh nuH lutu'lu'. *Brasil* vISovbe'ba' 'ach 
*America* DuSaQ'a'Daq roD Sengmaj SaHbogh DIvI'Hom tu'lu'. nIqeSlaH jeSwI'. 
latlhpu' DaqIHmeH nIQaHlaH. qep, yupma' je lutu'lu'. Do'Ha' jIjeSbe' jIH 
DuSaQ'a'Daq jIHaDtaHvIS. HIrurQo'!

> ... vInID, 'ej vI'ellaHchugh ...

nuqjatlh? wen puS neH ghomvam Damuvta'? Qo'noSDaq bIboghpu'be'? 
Dalajbe'lu'chugh vaj tlhoy bIval 'e' 'oSba'!

> jIloS neH.

qay'be'. bIQup. bIloSlaH. 'ach loQ bIjatlhHa'law'. bIHaDtaH, bInabtaH, vaj 
bInejtaH, qar'a'? 'ej nejwI' Quch law' loSwI' Quch puS.

qa'ral





Back to archive top level