tlhIngan-Hol Archive: Thu Aug 19 14:25:13 1999
[Date Prev][Date Next][Thread Prev][Thread Next]
qID
- From: Terrence Donnelly <[email protected]>
- Subject: qID
- Date: Thu, 19 Aug 1999 16:24:10 -0500
laSvarghDaq vum wej tlhIngan. Hoch jajmey yaHvo' mej pInchaj
rInpa' DaHjaj Qu' reH 'e' lulegh vumwI'pu'vam.
wa' jaj jatlh wa'. "mevDI' pIn, jImev jIH je 'e' vIHech. jImevta'
not 'e' tlhoj ghaH."
jatlh vumwI' cha'DIch, vumwI' wejDIch je. "mamev je."
vaj mevta'DI' pInchaj, mev wej vumwI'vam je. tach lughoS cha' vumwI'
'ej tlhutlhchoH. juHDaj ghoS vumwI' wejDIch. juH pawta'DI', lojmIt
poSchoHmoH. pay' pInDaj legh! ravDaq ngaghchuq vumwI' pIn, vumwI'
be'nal je. nom lojmIt SoQmoH vumwI' 'ej Haw'.
pov veb jatlhqa' wa' vumwI'. "mevta'DI' pIn, jImevqa'bej."
jatlh vumwI' cha'DIch. "jImev je."
'ach Qoch vumwI' wejDIch. jatlh "Qo'. jImevqangbe'."
vaq latlh vumwI'. jatlh "qatlh? bochmoHwI' SoH'a'?"
jang vumwI' wejDIch. jatlh "ghobe' jay'. wa'Hu' tlhoS mulegh pIn!"
-- ter'eS