SoQ Dal

[Christiane.Scharf@t-online.de (Christiane Scharf)]

le'be' ghItlhvam. mu'mey Dojqu' ngaSbe'. 'ach vIqonmeH tlhIngan Hol
vIlo'. chorghHu' vIqon. chorghHu' qaS DuSaQ jaj Qav. ghItlhvam
vIqontaHvIS jIQeHchu'be'. jIlach 'e' vItIvqu'ba'. Hoch boyajlaHmeH loQ
mu'mey vIchoHnIS neH. *annotations in brackets* vIchel.
yItIv. jIHmo' mu'meywIjmo' joq chaq Sumon.

Dalqu' ghu'vam. jatlhtaH mI' QeD ghojmoHwI'qoq. mevQo'. Dal ghaH. munuQ
ghotvetlh. jatlhtaH. jatlhtaH.
jImej vIneH. vIneHqu'. vIneHchu'. vIneHqu'chu'. vIneHqu'chu' jay'.
ghojmoHwI'qoq, yIQoy! yImej 'ej DaH yImej 'ej nom yImej! <taghmeH Daq>
yIghoSQo'. loS SaD DeQ yItlhapQo'. (Quj <Monopoly> vIqelba')
lojmIt yIlegh! pa' yItlhe'! yImej! yIyItQo' - nom yIqet! junuQ 'e'
yImev! va! (oh, a nice interlingual pun!)
jIHvaD Dalbej SoQlIj. latlh HaDwI'pu'vaD Dalbej je.
nuqDaq SoH? (ghelba', jatlhba' <nuqDaq jIH?>) jIjang: pa'majDaq SoH.
junuQ. bISaHbe'nIS jay'! SoQlIj vIbuS vIneHbe' jay'. toH, yImej! 'eb
yIjon! DaH yImej! not 'eqqu'. bIDachbogh SoH qaq law', bISaHbogh SoH qaq
puS. yIyaj! bIyajbe''a'?...............
................
toH! wej vIHarlaHchu'! mej! mej! Dach! juH vIghoSlaH! qeylIS naDlu'jaj!


HovqIj