tlhIngan-Hol Archive: Sun Nov 22 03:40:49 1998
[Date Prev][Date Next][Thread Prev][Thread Next]
Re: jItlhIjqa'
mujang charghwI':
>> wa' qechna' vIbuSchoH. DaH vImuch:
>>
>> <'oH> <ghaH> joq lo'lu'taHvIS, rap cha' Doch 'e' 'angbe'.
>> DIp lubuvqu' wotHeyvam. cha' DIp lunIbmoHbe'.
>
>wa' chovnatlh neH ghajDI' Segh vaj rapbej chovnatlh Segh je.
>chovnatlh mojlaH Segh 'ej Segh mojlaH chovnatlh.
maj. ghu'vam Daqelchu'. nIblaHbej cha' Dochmey.
nIbchugh, rapbej.
><<pongwIj 'oH charghwI''e'.>>
>
>Segh 'oH <<pongwIj>>'e'. chovnatlh 'oH <<pongwIj>>'e'. Segh 'oH
><<charghwI'>>'e'. chovnatlh 'oH <<charghwI'>>'e'.
maj. pong 'oHbej charghwI''e'. vaj ponglIj 'oHlaH charghwI''e'.
><<charghwI' 'oH pongwIj'e'.>>
Qo'! charghwI' 'oHbe' pong'e'. vaj charghwI' 'oHlaHbe' ponglIj'e'.
>Segh 'oH <<pongwIj>>'e'. chovnatlh 'oH <<pongwIj>>'e'. Segh 'oH
><<charghwI'>>'e'. chovnatlh 'oH <<charghwI'>>'e'.
<-wIj> Dateqchugh, Qapbe'ba' mu'tlhegh.
>pab qellu'DI' rap cha' DIpvam.
va. qatlh Seng Daghovbe'? qatlh Seng vIleghbogh vIQIjlaHchu'be'?
-- ghunchu'wI'