tlhIngan-Hol Archive: Thu Nov 12 10:13:41 1998
[Date Prev][Date Next][Thread Prev][Thread Next]
Re: RE: RE: ghomI'
On Thu, 12 Nov 1998 09:29:24 -0800 (PST) "Andeen, Eric"
<[email protected]> wrote:
...
> > Hmmm. Maybe we should write it in Klingon and then offer
> > translations into other languages...
>
> jIjeSqangtaH.
>
>
> pagh
jorpu'ghach'a' nger Har tejpu'. ngervam vImuSchu'.
jorpu' 'u' mung, chIm 'u' net Har. Dat taH pagh. wa' DaqHomDaq
jorlu'. jormo' nargh Hoch Hap. DaqHomvo' Haw'taH Hoch.
qatlh ngervam Harlu'? Harlu' Doqmo' Hovmey Hop.
Doqmo' nuHaw' net Har. Hoch Haw'law' Hoch. Sachlaw' 'u'.
Sachchugh vaj vay'vo' Sachlaw'. Daqvam 'oHnIS mung net Har.
jIQoch. chaq Doy'mo' lengpu'chu'bogh Hov wovtaHghach, DoqchoH.
SuDtaHghach HoSghaj law' DoqtaHghach HoSghaj puS. qaSpu'DI' 'uy'
DIS lengtaHvIS SuDtaHghach, Doy'choH 'ej DoqchoH. nap.
Sachbe' 'uy'. not jor Hoch.
chImbe' Hap 'ay'Hom joj. nom vIHchu'qu'chugh vay' vaj Dochvam
wIleghlaHbe'. chImlaw'chugh Daq vaj vIHqu'wI' He 'oH Daqvam'e'.
ghom Hap 'e' bot Hemey.
buy' 'u'. vIH Hoch. vIHbe'lu'law'chugh vaj HeDon ghaj Doch
bejlu'bogh bejwI' je. reH DIng Hap 'ay'Hom. *Point of
turbulence* 'oH. 'u' chenmoH HeDon ghajbogh Hoch Dochmey.
vaj taH 'u'mey law' 'ej Hemeymo' juSchuq Hoch 'u'mey.
Daj ngerwIj 'e' DaHar'a'?
charghwI' 'utlh