tlhIngan-Hol Archive: Fri May 22 13:57:52 1998
[Date Prev][Date Next][Thread Prev][Thread Next]
tugh jIghIQ
- From: "William H. Martin" <[email protected]>
- Subject: tugh jIghIQ
- Date: Fri, 22 May 1998 16:57:49 -0400 (Eastern Daylight Time)
- Priority: NORMAL
wa'maH Sochvatlh rep jImej. bangwI' juH vIghoS. puHDuj teb
DochmeywIj vItIvbogh. DungDaq bIQDujHomwIj vIbaghta'.
bIQDujHomwIj retlhDaq bIQDujHomwIj yuvwI'mey (cha' QIn'a'
yejHa' rarbogh tIH rur naQjejHeyvam Huj) vIbaghta' je. yaHDaq
leSpalHomwIj vIpol. puHDujDaq ratlhchugh ghaytan tujqu'choH 'ej
ghorlu'. *Martin Backpacker* 'oH leSpalHomwIj'e'.
Supghew vIqeng je. chaq vIchu'. chaq jIchuS, 'ach jIreHbej.
*card* Quj chu' munob jup. Daj. chut pIm ghaj Hoch *card*.
*card* chu' lo'lu'DI', choH Quj. reHtaHvIS choHtaH chutmey.
vInID. vItIvchugh chaq tlhIngan Quj vImojmoH 'ej qep'a'
vaghDIchvaD vIqeng.
tlhoS tagh leSpoHwIj. jISeychoH.
charghwI'