tlhIngan-Hol Archive: Tue May 12 08:12:43 1998
[Date Prev][Date Next][Thread Prev][Thread Next]
SoSDaq jImogh
- From: Terrence Donnelly <[email protected]>
- Subject: SoSDaq jImogh
- Date: Tue, 12 May 1998 10:11:13 -0500
cha'Hu' be'nal SoS juHDaq SoS quvmoHmeH lop malop. SoSDajvaD *modem* chu'
je'ta' be'nal loDnI'. SoS De'wI'Daq jom 'e' Hech ghaH. qaStaHvIS 'op
poH jom 'e' nID (Ha'DIbaH vIvuttaHmo' poH vISovchu'be'). pay' maq ghaH
"va, Qapbe' *modem*. juHwIjDaq Qu' law' vIghaj, vaj SIbI' jImejnIS.
ter'eS, 'oH DatI' 'e' yInIDneS." 'ej mej ghaH.
wejpuH. De'wI' vIchu'DI', QapHa'chu' De'wI' je 'e' vItu'. "Qorwaghmey"
vIchu'laHbe', vaj *CD* *floppy* je qawHaqmey vInaw'laHbe'. chaq QapmeH
pat vIjomqa'chugh, Qapqa' De'wI', 'ach jommeH qawHaq vISamlaHbe'.
qaStaHvIS wa' rep vInID. jImogh. wa'logh Qapchu' *modem* 'e'
vIqaSmoH. *AOL* vInaw'laH. Qapchu' Hoch. "yayna'" jImIy. 'ach
De'wI' vItobmeH, 'oH vIchu'Ha' 'ej vIchu'qa', 'ej QapHa'qa' De'wI'
*modem* je jay'. not Qapqa' jay'! jImoghqu' jay'!!
-- ter'eS
http://www.geocities.com/Area51/Corridor/2711