tlhIngan-Hol Archive: Thu May 07 11:17:06 1998
[Date Prev][Date Next][Thread Prev][Thread Next]
Qu'meywIj
- From: "William H. Martin" <[email protected]>
- Subject: Qu'meywIj
- Date: Thu, 7 May 1998 14:17:03 -0400 (Eastern Daylight Time)
- Priority: NORMAL
pIj jIQubmeH 'ej jIleSmeH poH yap vIghajbe'. jIbepbejbe'.
Qu'meyvam vItIv. SoHvaD tetlhwIj vI'ang.
DaH jIjatlhlaH. qay'bogh QInmey vIloS. pawDI' vIjang. vIqeS.
latlh Qu' vItaghchugh vIqaghlu', vaj jIloS neH. mughoSchugh
pInwI', De'wI'wIjDaq jIvumlaw'taHchugh vaj QaQ ghu' vaj QInvam
vIqon. jInajlaw'chugh vaj Do'Ha'.
DaHjaj yaHwIj vImejDI' bangwI' qoS vIlopmeH qaStaHvIS wa' rep
*Richmond* vIghoS. wa'leS qaS qoSvam, 'ach wa'leS mI'meH 'ej
qeqmeH *Lewistown, WV* vIghoSnIS. qaStaHvIS wej jaj mamI' 'ej
mabom. loSmaH wa'leS *Denmark* maghoS. pa' qaStaHvIS wej Hogh
mamuch 'ej mamI'. wejleS *Lewistown*vo' jIchegh 'ej jImI'meH
*Greenwood, VA* vIghoS.
loSleS yaHwIj vImejta'DI' bangwI' vebHa' qoS vIlop. jupwI'na'
ghaHtaH. DaHjaj qaS qoSvam, 'ach DaHjaj lopmeH bangwI' vebHa'
tlhej bangDaj 'ej loSleS qaS lopmeH 'ebwIj wa'DIch.
vaghleS yaHwIj vImejta'DI' jupwI''a' vISuch. De'wI'wIj
vIqeng 'ej De'wI'meymaj DIrarmoH 'ej mareH. <<ghIrlI'ghach
cha'>>[1] wIQuj.
javleS yaHwIj vImejta'DI' QIt jImI'meH jIHaD. mI'meH mIwvaD *Tai
Chi* ponglu'.
SochleS yaHwIj vImejta'DI' muSuch bangwI'.
chorghleS maghIQ jIH bangwI' je. Hewmey DItu'. wa'maH Soch
*Rodin* Hew 'anglI' *museum* Sum. nargh 'ebvam 'e' wIchaw'Qo'.
HutleS *Richmond* wIghoS. bangwI' juH wIDub. wa'maHleS
*Richmond*Daq maratlh 'ej mavumtaH.
wa'maH wa'leS SutmeywIj vISay'nISmoH. cha' rep poQ mIwvam.
Sut Say'meH jan vIghajbe' vaj Sut Say'wI' qach vISuchnIS. *Wheel
of Fortune* vIbejnIS. be'joy' vImaS 'ach jIwuq net chaw'Qo'.
muchvam vIbejnISmeH toy'taHghachvam naS law' Hoch naS puS.
vIHajchu', 'ach jISIQqang. Say'nISchoH SutmeywIj jay'!
wa'maH cha'leS yaH vImejta'DI' pagh nab vIghaj. taHlaH'a' 'ebvam?
charghwI'
[1] Descent II