tlhIngan-Hol Archive: Sat May 02 00:40:25 1998
[Date Prev][Date Next][Thread Prev][Thread Next]
RE: ram jIHlut
- From: "Sarah Andeen" <[email protected]>
- Subject: RE: ram jIHlut
- Date: Sat, 2 May 1998 00:38:50 -0700
- Importance: Normal
mujang charghwI':
>>
>> wa'Hu' ram jIQongchoHpa' jIHwIj vIchu'. jIDogh: vIbej 'e' vIHechbe',
>> 'ach muchmey vIngu' vIneH. qatlh? jISovbe'. jIDogh 'e' vIchIDta'.
>bIlabmo' jIQuch 'ej lutlIjmey teH vItIv 'ach laHlIj pIv
>DaDubmeH Dalab 'e' vISov vaj QaghHomlIj vI'angnIS. <<jIDoghpu'
>'e' vIchID>> bIjatlhchugh bIbIvbe'. Segh Soch mojaq chaw'be'
>*SAO* 'e' DaSovbej 'ach DalIjlaw'.
jagh DajeymeH nIteb yISuvrup.
laHwIj vIDubtaH vIneH. HIlughmoHvIpQo'.
>> paSqu'mo' rep much Daj vItu' 'e' vIpIHbe'. 'ach jImuj. SIbI' jIH
>> vIchu'DI' much Dun vItu'. <ram wa'maH cha'DIch> luponglu'. qon
>> *Shakespeare*. cha'ben jIH'a'Daq (1) muchvam vIbej. 'eyqu' 'ej vIbejqa'
>> vIneH. vIbejchoH, 'ach vIbejchoHpa' yapbe' QongmeH poHwIj, 'ej much
>> vIbejchugh yapbe'choHchu'. Do'Ha'. jIH vIchu'Ha' 'ej jIQongchoH.
>belHeylIj Daluj 'e' yISIQ!
vISIQ 'ej jIbepbe'. roD jItam, 'ach naDev jItamchugh not qonmeH laHwIj
vIDublaH. rut jIQubtaHvIS tlhIngan Hol mulo'moH ghu'. rut potlh ghu'; rut
ram. rut Daj; rut qetlh. jIpo'choHtaH vIneHmo' ghu' law' vIDel.
>> jIQongchoHpa' jIH vIchu'be' chaq 'e' mughojmoH wanI'vam.
>Daj mu'tlheghvam. tlhoS bIv 'ach Qaplaw'. not *first person
>indirect object abbreviation* *SAO* DuDmoH *Okrand* 'ach
>ghaytan Qapchu'.
jIHvaD ngeDqu'choHmo' mIwvam vIqelbe'taH; vIlo' neH. lo'DI' latlh vIyajmeH
jIQubnISbe'. bIlugh: wej *SAO*-vaD mIwvam lo' *Okrand*. le' <'e'> net Sov.
chojangpa' ngoDvam vIqelbe'. mu'tlheghwIjmo' ngachchoHlu'chugh jIjeSqangbej,
'ach tlhIngan Hol neH vIlo'qang.
>> pagh
>>
>> (1) - jIH'a' - movie screen. Qap'a' mu'vam'e'?
>HIja'. *The Big Screen*.
maj. vIyajHa'lu' vIneHbe'mo' rut jIyepqu'. mu'vam yajlu' 'e' vIHar, 'ach
pIch vIHutlh.
pagh