tlhIngan-Hol Archive: Fri May 01 11:19:01 1998
[Date Prev][Date Next][Thread Prev][Thread Next]
ghommaj le'
- From: "Holtej" <[email protected]>
- Subject: ghommaj le'
- Date: Fri, 1 May 1998 14:17:11 -0400
- Importance: Normal
tlhIngan Hol wIjatlhmo', nugh wIchenmoH. qorDu' rur ghommaj rut 'e' vIHar.
maQeHchoH, maQay', maghongchuq, 'ach potlhbe' wanI'meyvam: reH taH qorDu'.
loDnI'wI' vItIchchugh, loDnI'wI' ghaHtaH. jabbI'ID ghomvamDaq rut
wItIchchuq, 'ach reH wIvuvchuq. vID tlhInganpu', 'ej rut mavID je.
qay'be'.
qorDu' rur ghommaj rut 'e' vIHarbe'. boghlu'DI', qorDu' muv. tlhIngan Hol
jatlhwI' nughvaD, jeSlu'meH, laH le' 'aghnISlu'. jaS wIghoj. ghojmeH wa'
ghot, chaq qaDnIS. ghojmeH latlh, chaq nIteb qeqnIS. mapImmo', malopnIS!
nuq DaQub? qorDu' wIrur'a'? nugh wIrur'a'? yIwIv!
--Holtej