tlhIngan-Hol Archive: Sat Mar 07 15:28:27 1998
[Date Prev][Date Next][Thread Prev][Thread Next]
QIp <Madam Butterfly>
- From: [email protected] (Lisa Stapp)
- Subject: QIp <Madam Butterfly>
- Date: Sat, 7 Mar 98 14:02:00 -0600
- Organization: PSL Online (713)442-0232 Houston, Texas
QIp <Madame Butterfly> 'ach Qob 'IH je.
jIvumtaHvIS 'e' vI'Ij 'ej jISaQ.
<be' Dogh> vIjatlh vIneH. <loDvam DaHar'a'? SaH'egh neH qoHvam!>
'ach ngo'qu' lut.
tu'chuq be' loD je. bejchuq. wamchuq. jonchuq. Qorghchuq. SaHchuq.
'ach teHbe'.
loD SaHqu'choHDI' be' qetlhchoH be'vam. wa' DoS neH buS be'vam, ej
botlh 'u'Daj moj loD. ramchoH juppu'. ramchoH ta'mey. ramchoH
'oy'mey. ramchoH Hoch.
SaHbe'choH bangqoq 'e' tu'DI' be' pIj jeylu'. jey vay' 'e' lulajQo'
'ej lucherghQo' be'pu' net Sov. quvHa' loD yuD 'e' tu'DI' be',
rut Qaw''eghchoH.
batlh yInlaHbe'mo' Hegh 'e' wIv <Madam Butterfly>.
jaS jIwIv. jIQaw''eghQo' jay'! latlh DoS vIwIv. botlh 'u' vImoj.
juppu' vIquvmoH. ta'mey vIvI'. qa'wIj vIQorgh. tIqwIj vISaH.
jI'oy'DI' jIpIv'eghmoH. muSaHbe'bogh loD tugh ram. chaq jup moj,
chaq pagh moj.
___ Blue Wave/386 v2.30 [NR]