tlhIngan-Hol Archive: Fri Mar 06 02:12:32 1998
[Date Prev][Date Next][Thread Prev][Thread Next]
Re: T'Lark
- From: WestphalWz <[email protected]>
- Subject: Re: T'Lark
- Date: Fri, 6 Mar 1998 05:12:01 EST
In a message dated 98-03-04 13:39:45 EST, you write:
peHruS replies to T'Lark:
tIq nIv ghajlaH Hoch be', be' 'IH be' nap be' moH je.
jImI'taHvIS Hoch qoch vIlaj.
jISawpu'be' je jIH, 'ej be'nal vInej; 'ach meqwIj wa'DIch 'oH jImI'bogh
Qu''e'.
*Contra* DaqmeyDaq jImI'taHvIS jInong. pe'vIl Hoch qoch mInDu' vIbuS 'ej
jImonchu'.
tIqwIjvo' HoSna' tuj thluD.
toH, mutIv be'pu' law'. Qupqu' 'op. 'ach DaH pagh vISaw 'e' vInIDbe'law'mo',
chaHvaD jIQaDlaw'.
vaj juppu' be' law' vIghaj.
rut mamI'chuq qoch loD jIH je. tlhaQqu' wanI'vam. 'ach [jIHuj] 'oSbe'
wanI'vam.
'u'Daq law'qu' be'pu' 'IH 'e' vItlhoj. nuq 'oS mu'vam {'IH}? yaH DIRDaj,
mInDu'Daj, jIbDaj je, ratlh nuq? potlhqu' chay' vang ghaH qoj chay' Qub ghaH.
potlhqu' vuDmeyDaj. potlhqu' tIghDaj ghobDaj je. be' nap 'IHmoH wanI'meyvam.
be'pu'vetlhvo' wa' vIwIv vIneH je jIH. tIq nIv ghajbogh be' 'IH vIloS je jIH.
be' moH vIwIvnISbe', 'ach matay'chuqchoHchugh be' moH jIH je, vaj ghaHvaD
parmaq vI'angmeH tIqwIj naQ vIlo'qang.
qaSpu'DI' tlhoghtay, qochwI' vItlha'taH vIneHbej. (Continue wooing.) paq
qonbogh Richard Bach---pongDaj "Bridge Across Forever" ghajbogh
paqvetlh---vIparHa'chu'.
peHruS